ബ​ക്കി​ങ്ഹാം കൊ​ട്ടാ​രം ല​ക്ഷ്യ​ം; മൈ​സൂ​രു​വി​ൽനി​ന്ന് ബൈ​ക്ക് യാത്രികൻ

മൈ​സൂ​രു: മൈ​സൂ​രു കൊ​ട്ടാ​ര​ത്തി​ൽ​നി​ന്ന് റോ​ഡു​മാ​ർ​ഗം ല​ണ്ട​നി​ലെ ബ​ക്കി​ങ്ഹാം കൊ​ട്ടാ​ര​ത്തി​ലേ​ക്ക് അ​പൂ​ർ​വ ബൈ​ക്ക് യാ​ത്ര​ക്കൊ​രു​ങ്ങി യു​വാ​വ്. മൈ​സൂ​രു​വി​ലെ ബി​സി​ന​സു​കാ​ര​നും ക​ർ​ണാ​ട​ക ബൈ​ക്ക് റൈ​ഡ് ക്ല​ബ് അം​ഗ​വു​മാ​യ നാ​ഗാ​ർ​ജു​ൻ അ​ന​ന്ത ഭ​ഗ​വാ​നാ​ണ് 20,000ത്തി​ലേ​റെ കി​ലോ​മീ​റ്റ​ർ പി​ന്നി​ടു​ന്ന ഈ ​സാ​ഹ​സി​ക സോ​ളോ ബൈ​ക്ക് റൈ​ഡി​ന് തു​ട​ക്കം കു​റി​ച്ച​ത്.

നേ​പ്പാ​ൾ, തി​ബ​ത്ത്, ചൈ​ന, ക​സാ​ഖ്‌​സ്താ​ൻ, റ​ഷ്യ, എ​സ്‌​തോ​ണി​യ, ലാ​ത്വി​യ, ലി​ത്വാ​നി​യ, പോ​ള​ണ്ട്, ചെ​ക്ക് റി​പ്പ​ബ്ലി​ക്, ഓ​സ്ട്രി​യ, ഹം​ഗ​റി, ക്രൊ​യേ​ഷ്യ, സ്ലൊ​വേ​നി​യ, ഇ​റ്റ​ലി, സ്വി​റ്റ്‌​സ​ർ​ല​ൻ​ഡ്, ജ​ർ​മ​നി, നെ​ത​ർ​ലാ​ൻ​ഡ്, ബെ​ൽ​ജി​യം, ഫ്രാ​ൻ​സ് തു​ട​ങ്ങി ഇ​രു​പ​തോ​ളം രാ​ജ്യ​ങ്ങ​ളി​ലൂ​ടെ സ​ഞ്ച​രി​ച്ചാ​ണ് നാ​ഗാ​ർ​ജു​ൻ ല​ണ്ട​നി​ലെ ബ​ക്കി​ങ്ഹാം കൊ​ട്ടാ​ര​ത്തി​ൽ എ​ത്തി​ച്ചേ​രു​ക. യാ​ത്ര എ​ന്ന​ത് കേ​വ​ലം ദൂ​ര​മോ സാ​ഹ​സി​ക​ത​യോ മാ​ത്ര​മ​ല്ലെ​ന്നും അ​നേ​കം മ​നു​ഷ്യ​രെ ക​ണ്ടു​മു​ട്ടാ​നും വ്യ​ത്യ​സ്ത സം​സ്കാ​ര​ങ്ങ​ൾ അ​ടു​ത്ത​റി​യാ​നും അ​തി​ർ​ത്തി​ക​ൾ​ക്ക​പ്പു​റം സൗ​ഹൃ​ദ​ങ്ങ​ൾ കെ​ട്ടി​പ്പ​ടു​ക്കാ​നു​മു​ള്ള അ​വ​സ​ര​മാ​ണെ​ന്നും നാ​ഗാ​ർ​ജു​ന പ​റ​ഞ്ഞു. നേ​ര​ത്തെ വി​വി​ധ രാ​ജ്യ​ങ്ങ​ളി​ൽ സോ​ളോ ബൈ​ക്ക് യാ​ത്ര​ക​ൾ ന​ട​ത്തി​യി​ട്ടു​ണ്ടെ​ങ്കി​ലും ഇ​ത്ര​യും ദീ​ർ​ഘ​ദൂ​ര റോ​ഡ് യാ​ത്ര ഇ​താ​ദ്യ​മാ​ണ്. മോ​ട്ടോ​ർ സൈ​ക്കി​ൾ യാ​ത്ര​യോ​ട് അ​ഭി​നി​വേ​ശ​മു​ള്ള​വ​രു​ടെ അ​ന്താ​രാ​ഷ്ട്ര സം​ഘ​ട​ന​യാ​യ ‘ഇ​ന്റ​ർ​നാ​ഷ​ണ​ൽ ഫെ​ലോ​ഷി​പ്പ് ഓ​ഫ് മോ​ട്ടോ​ർ​സൈ​ക്ലി​ങ് റോ​ട്ടേ​റി​യ​ൻ​സ്’ അം​ഗ​ങ്ങ​ളു​മാ​യി യാ​ത്ര​യി​ലു​ട​നീ​ളം ബ​ന്ധ​പ്പെ​ടു​മെ​ന്ന് യു​വാ​വ് അ​റി​യി​ച്ചു. മൈ​സൂ​രു കൊ​ട്ടാ​ര​ത്തി​ന്റെ വ​ട​ക്കേ ക​വാ​ട​ത്തി​ലെ ആ​ഞ്ജ​നേ​യ​സ്വാ​മി ക്ഷേ​ത്ര​ത്തി​നു മു​ന്നി​ൽ ന​ട​ന്ന ച​ട​ങ്ങി​ൽ മൈ​സൂ​രു എം.​പി യ​ദു​വീ​ർ കൃ​ഷ്ണ​ദ​ത്ത യാ​ത്ര ഫ്ലാ​ഗ് ഓ​ഫ് ചെ​യ്തു. മൈ​സൂ​രു​വി​ലെ വി​വി​ധ ബൈ​ക്ക് റൈ​ഡ് ക്ല​ബ്ബു​ക​ളി​ൽ നി​ന്നു​ള്ള റൈ​ഡ​ർ​മാ​രു​ടെ സം​ഘം ശ്രീ​രം​ഗ​പ​ട്ട​ണം വ​രെ നാ​ഗാ​ർ​ജു​ന​യെ അ​നു​ഗ​മി​ച്ചു.