വി​ദ്വേ​ഷ പ്ര​സം​​ഗം; ബി.​ജെ.​പി നേ​താ​ക്ക​ൾ​ക്കെ​തി​രെ കേ​സ്

ബം​​ഗ​ളൂ​രു: നാ​​ഗ​മം​​ഗ​ല സം​ഘ​ർ​ഷ​വു​മാ​യി ബ​ന്ധ​പ്പെ​ട്ട് വി​ദ്വേ​ഷ പ്ര​സം​​ഗം ന​ട​ത്തി​യ​തി​ന് ബി.​ജെ.​പി നേ​താ​ക്ക​ളാ​യ കേ​ന്ദ്ര മ​ന്ത്രി ശോ​ഭ ക​ര​ന്ത​ല​ജെ​ക്കും ക​ർ​ണാ​ട​ക നി​യ​മ​സ​ഭ പ്ര​തി​പ​ക്ഷ നേ​താ​വ് ആ​ർ. അ​ശോ​ക​ക്കു​മെ​തി​രെ നാ​​ഗ​മം​​ഗ​ല ടൗ​ൺ പൊ​ലീ​സ് എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്തു. മു​തി​ർ​ന്ന പൊ​ലീ​സ് ഉ​ദ്യോ​​ഗ​സ്ഥ​ൻ ന​ൽ​കി​യ പ​രാ​തി​യി​ലാ​ണ് ഇ​രു​വ​ർ​ക്കു​മെ​തി​രെ വ്യ​ത്യ​സ്ത കേ​സു​ക​ളി​ലാ​യി ര​ണ്ട് എ​ഫ്.​ഐ.​ആ​റു​ക​ൾ ര​ജി​സ്റ്റ​ർ ചെ​യ്ത​ത്.

ഭാ​ര​തീ​യ ന്യാ​യ​സം​ഹി​ത സെ​ക്ഷ​ൻ 192 പ്ര​കാ​രം സ​മൂ​ഹ​ത്തി​ൽ ക​ലാ​പാ​ഹ്വാ​ന​ത്തി​ന് പ്രേ​രി​പ്പി​ക്കു​ന്ന പ്ര​സ്താ​വ​ന​ക​ൾ ന​ട​ത്തി​യ​തി​നാ​ണ് കേ​സ്. സ്ഥ​ലം സ​ന്ദ​ർ​ശി​ച്ച ആ​ർ. അ​ശോ​ക​യും സ​മൂ​ഹ​മാ​ധ്യ​മ​ത്തി​ലൂ​ടെ ശോ​ഭ ക​ര​ന്ത​ല​ജെ​യും സം​ഭ​വ​ത്തെ​ക്കു​റി​ച്ച് സ​മൂ​ഹ​ത്തി​ൽ വി​ഭ​ജ​നം സൃ​ഷ്ടി​ക്കു​ന്ന ത​ര​ത്തി​ലു​ള്ള പ്ര​സ്താ​വ​ന​ക​ളാ​ണ് ന​ട​ത്തി​യി​രു​ന്ന​ത്. നാ​​ഗ​മം​​ഗ​ല​യി​ൽ ന​ട​ന്ന​തെ​ന്ന പേ​രി​ൽ മ​റ്റൊ​രു സ്ഥ​ല​ത്ത് ന​ട​ന്ന പ​ഴ​യ വി​ഡി​യോ സ​മൂ​ഹ​മാ​ധ്യ​മ​ത്തി​ൽ പ​ങ്കു​വെ​ച്ച​തി​നും ആ​ർ. അ​ശോ​ക​ക്കെ​തി​രെ പൊ​ലീ​സ് ന​ട​പ​ടി​യെ​ടു​ക്കു​ന്നു​ണ്ട്.