ബി.ജെ.പി- കോൺഗ്രസ് സംഘർഷം; സൊറാപുരിൽ നിരോധനാജ്ഞ

ബം​ഗ​ളൂ​രു: ക​ർ​ണാ​ട​ക യാ​ദ്ഗി​റി​ലെ സൊ​റാ​പു​ർ മ​ണ്ഡ​ല​ത്തി​ൽ കോ​ൺ​ഗ്ര​സ്, ബി.​ജെ.​പി പ്ര​വ​ർ​ത്ത​ക​ർ ത​മ്മി​ലു​ണ്ടാ​യ സം​ഘ​ർ​ഷ​ത്തി​ൽ നി​ര​വ​ധി പേ​ർ​ക്ക് പ​രി​ക്ക്. കോ​ൺ​ഗ്ര​സ് മു​ൻ എം.​എ​ൽ.​എ വെ​ങ്ക​ട​പ്പ നാ​യ​ക​യു​ടെ​യും ബി.​ജെ.​പി സി​റ്റി​ങ് എം.​എ​ൽ.​എ രാ​ജു​ഗൗ​ഡ​യു​ടെ​യും അ​നു​യാ​യി​ക​ളാ​ണ് ഏ​റ്റു​മു​ട്ടി​യ​ത്. സം​ഘ​ർ​ഷ​ത്തെ തു​ട​ർ​ന്ന് മ​ണ്ഡ​ല​ത്തി​ൽ യാ​ദ്ഗി​ർ ഡെ​പ്യൂ​ട്ടി ക​മീ​ഷ​ണ​ർ ആ​ർ. സ്നേ​ഹ​ൽ നി​രോ​ധ​നാ​ജ്ഞ ഏ​ർ​പ്പെ​ടു​ത്തി. വ്യാ​ഴാ​ഴ്ച രാ​ത്രി മു​ത​ൽ ശ​നി​യാ​ഴ്ച രാ​ത്രി എ​ട്ടു​വ​രെ​യാ​ണ് നി​രോ​ധ​നാ​ജ്ഞ. ബി.​ജെ.​പി വി​ട്ട് കോ​ൺ​ഗ്ര​സി​ലെ​ത്തി​യ രാ​ജ കൃ​ഷ്ണ​പ്പ നാ​യ​ക, ശാ​ന്ത​ഗൗ​ഡ ച​ന്ന​പ​ട്ട​ണ എ​ന്നീ നേ​താ​ക്ക​ളു​ടെ സ്വീ​ക​ര​ണ ​ജാ​ഥ ക​ട​ന്നു​പോ​ക​വെ​യാ​ണ് സം​ഘ​ർ​ഷം. ഹു​ന​സാ​ഗി താ​ലൂ​ക്കി​ലെ കൊ​ട​ഗ​ൽ വി​ല്ലേ​ജി​ലൂ​ടെ ക​ട​ന്നു​പോ​ക​വെ, ഗ്രാ​മ​ത്തി​ലെ മ​ത​ച​ട​ങ്ങി​നി​ടെ ജാ​ഥ​ക്ക് വ​ഴി ന​ൽ​കി​യി​ല്ല. ഇ​തു സം​ബ​ന്ധി​ച്ച് ത​ർ​ക്ക​മാ​യ​തോ​ടെ കോ​ൺ​ഗ്ര​സ്, ബി.​ജെ.​പി പ്ര​വ​ർ​ത്ത​ക​ർ ത​മ്മി​ൽ സം​ഘ​ർ​ഷ​മു​ണ്ടാ​വു​ക​യാ​യി​രു​ന്നു. ഇ​രു​കൂ​ട്ട​രും പ​ര​സ്പ​രം ക​ല്ലെ​റി​ഞ്ഞു. അ​ക്ര​മ​ത്തി​ൽ 15 കാ​റു​ക​ൾ ത​ക​ർ​ക്ക​പ്പെ​ട്ടു. സം​ഘ​ർ​ഷ​വു​മാ​യി ബ​ന്ധ​പ്പെ​ട്ട് പൊ​ലീ​സ് നാ​ല് കേ​സ് ര​ജി​സ്റ്റ​ർ ചെ​യ്തു. സി.​ആ​ർ.​പി.​സി 107 വ​കു​പ്പു​പ്ര​കാ​രം 118 പേ​ർ​ക്കെ​തി​രെ കേ​സെ​ടു​ത്തു. 18 പേ​രെ ക​സ്റ്റ​ഡി​യി​ലെ​ടു​ത്തി​ട്ടു​ണ്ട്. സം​ഭ​വ സ്ഥ​ല​ത്ത് മൂ​ന്ന് കെ.​എ​സ്.​ആ​ർ.​പി സ്ക്വാ​ഡ്, ഒ​രു പാ​രാ​മി​ലി​ട്ട​റി ടീം ​അ​ട​ക്കം 200 ഓ​ളം പൊ​ലീ​സി​നെ വി​ന്യ​സി​ച്ചു. സ്ഥി​തി​ഗ​തി​ക​ൾ നി​യ​ന്ത്ര​ണ വി​ധേ​യ​മാ​ണെ​ന്ന് യാ​ദ്ഗി​ർ എ​സ്.​പി ഡോ.​സി.​ബി. വേ​ദ​മൂ​ർ​ത്തി അ​റി​യി​ച്ചു. ത​ങ്ങ​ളു​ടെ ജാ​ഥ​ക്കു​നേ​രെ ബി.​ജെ.​പി പ്ര​വ​ർ​ത്ത​ക​ർ ആ​ക്ര​മ​ണം ന​ട​ത്തു​ക​യാ​യി​രു​ന്നെ​ന്നും പ്ര​തി​ക​ളെ മു​ഴു​വ​ൻ അ​റ​സ്റ്റ് ചെ​യ്യ​ണ​മെ​ന്നും ആ​വ​ശ്യ​പ്പെ​ട്ട് കോ​ൺ​ഗ്ര​സ് പ്ര​വ​ർ​ത്ത​ക​ർ വെ​ള്ളി​യാ​ഴ്ച പൊ​ലീ​സ് സ്റ്റേ​ഷ​ന് മു​ന്നി​ൽ ധ​ർ​ണ ന​ട​ത്തി.