പേമാരി: റോഡിൽ വൻ ഗർത്തം രൂപപ്പെട്ടു
text_fieldsനിർമാണപ്രവർത്തനങ്ങൾ നടന്നുകൊണ്ടിരിക്കുന്ന പോട്ടെറി ടൗൺ മെട്രോ സ്റ്റേഷനരികെയുള്ള ബോർ ബാങ്ക് റോഡിൽ രൂപപ്പെട്ട ഗർത്തം
ബംഗളൂരു: ബുധനാഴ്ച വൈകീട്ടുണ്ടായ പേമാരിയിൽ ബംഗളൂരു മെട്രോ റെയിൽ കോർപറേഷന്റെ നിർമാണപ്രവർത്തനങ്ങൾ നടന്നുകൊണ്ടിരിക്കുന്ന പോട്ടെറി ടൗൺ മെട്രോ സ്റ്റേഷനരികെയുള്ള ബോർ ബാങ്ക് റോഡിൽ വൻ ഗർത്തം രൂപപ്പെട്ടു. ഭൂഗർഭ മെട്രോ സ്റ്റേഷൻ നിർമാണ പ്രവർത്തനങ്ങളുടെ ഭാഗമായി തൂണിനുള്ള കുഴിയെടുത്തതിന്റെ ഭാഗമായിട്ടായിരിക്കാം റോഡിൽ ഗർത്തം രൂപപ്പെട്ടതെന്ന് മുതിർന്ന മെട്രോ ഉദ്യോഗസ്ഥൻ പറഞ്ഞു. തന്നേരി-മില്ലേരി റോഡിനെ ബന്ധിപ്പിക്കുന്ന ബോർ ബാങ്ക് റോഡിൽ പൊലീസ് ഗതാഗതം നിരോധിച്ചു. ഇതുവഴിയുള്ള വാഹനങ്ങളെ സമീപത്തെ മറ്റു റോഡുകളിലൂടെ വഴിതിരിച്ചുവിട്ടു. ഇക്കഴിഞ്ഞ ദിവസങ്ങളിലുണ്ടായ മഴയിൽ നിരവധി സ്ഥലങ്ങളിൽ വെള്ളക്കെട്ട് രൂപപ്പെട്ടും മരച്ചില്ലകൾ പൊട്ടിവീണും ഗതാഗത തടസ്സമുണ്ടായിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

