ബംഗളൂരു അന്താരാഷ്ട്ര ചലച്ചിത്രോത്സവം മാർച്ച് 23 മുതൽ

ബംഗളൂരു: കർണാടക ചലച്ചിത്ര അക്കാദമി (കെ.സി.എ) സംഘടിപ്പിക്കുന്ന ബംഗളൂരു അന്താരാഷ്ട്ര ചലച്ചിത്രോത്സവത്തിന്റെ (ബിഫ്സ്) പതിനാലാമത് എഡിഷന് മാർച്ച് 23 മുതൽ തുടക്കമാവും. മാർച്ച് 30 വരെ നീളുന്ന മേളയിൽ വിവിധ കാറ്റഗറികളിലായി 300 ലേറെ സിനിമകൾ പ്രദർശിപ്പിക്കും.

ചലച്ചിത്രമേളയുടെ ലോഗോ പ്രകാശനം ബംഗളൂരുവിൽ നടന്ന ചടങ്ങിൽ മുഖ്യമന്ത്രി ബസവരാജ് ബൊമ്മൈ നിർവഹിച്ചു. റവന്യൂ മന്ത്രി ആർ. അശോക, കർണാടക ചലച്ചിത്ര അക്കാദമി അധ്യക്ഷൻ അശോക് കശ്യപ് തുടങ്ങിയവർ ചടങ്ങിൽ പങ്കെടുത്തു.