സ്വ​ർ​ണ​ക്ക​ട​ത്ത് കേ​സ്; ന​ടി ര​ന്യ റാ​വു​വി​ന്റെ ജാ​മ്യ ഹ​ര​ജി​യി​ൽ വി​ധി മാ​റ്റി

ബം​ഗ​ളൂ​രു: സ്വ​ർ​ണ​ക്ക​ട​ത്ത് കേ​സി​ൽ അ​റ​സ്റ്റി​ലാ​യ മു​ഖ്യ​പ്ര​തി ക​ന്ന​ട ന​ടി ര​ന്യ റാ​വു​വി​ന്റെ ജാ​മ്യ ഹ​ര​ജി​യി​ൽ സാ​മ്പ​ത്തി​ക കു​റ്റ​കൃ​ത്യ​ങ്ങ​ൾ​ക്കാ​യു​ള്ള ​ബം​ഗ​ളൂ​രു​വി​ലെ പ്ര​ത്യേ​ക കോ​ട​തി വി​ധി മാ​റ്റി. അ​ന്തി​മ വി​ധി വെ​ള്ളി​യാ​ഴ്ച പു​റ​പ്പെ​ടു​വി​ച്ചേ​ക്കും.

ന​ടി ര​ന്യ​ക്കു​വേ​ണ്ടി മു​തി​ർ​ന്ന അ​ഭി​ഭാ​ഷ​ക​ൻ കി​ര​ൺ ജാ​വ​ലി ഹാ​ജ​രാ​യി. ര​ന്യ​യു​ടെ അ​റ​സ്റ്റി​ൽ ഡ​യ​റ​ക്ട​റേ​റ്റ് ഓ​ഫ് റ​വ​ന്യൂ ഇ​ന്റ​ലി​ജ​ൻ​സ് (ഡി.​ആ​ർ.​ഐ) ഉ​ദ്യോ​ഗ​സ്ഥ​ർ നി​യ​മ​പ​ര​മാ​യ ന​ട​പ​ടി​ക്ര​മ​ങ്ങ​ൾ പാ​ലി​ച്ചി​ല്ലെ​ന്ന് അ​ദ്ദേ​ഹം കോ​ട​തി​യി​ൽ വാ​ദി​ച്ചു.

അ​റ​സ്റ്റി​ന്റെ സ​മ​യ​ത്ത് അ​റ​സ്റ്റ് മെ​മ്മോ ഹാ​ജ​രാ​ക്കി​യി​ല്ലെ​ന്നും ന​ട​പ​ടി​ക്ര​മ​ങ്ങ​ൾ പാ​ലി​ക്കാ​ത്ത അ​റ​സ്റ്റാ​യ​തി​നാ​ൽ ത​ന്റെ ക​ക്ഷി​ക്ക് ജാ​മ്യം അ​നു​വ​ദി​ക്ക​ണ​മെ​ന്നും അ​ദ്ദേ​ഹം വാ​ദി​ച്ചു. എ​ന്നാ​ൽ, ന​ടി ര​ന്യ റാ​വു​വി​നെ​തി​രെ ഗു​രു​ത​ര​മാ​യ കു​റ്റ​ങ്ങ​ളാ​ണു​ള്ള​തെ​ന്നും പ്ര​മാ​ദ​മാ​യ സ്വ​ർ​ണ​ക്ക​ട​ത്ത് കേ​സി​ൽ അ​വ​ർ​ക്ക് നി​ർ​ണാ​യ​ക പ​ങ്കാ​ണു​ള്ള​തെ​ന്നും ഡി.​ആ​ർ.​ഐ​ക്കു​വേ​ണ്ടി ഹാ​ജ​രാ​യ അ​ഭി​ഭാ​ഷ​ക​ൻ ചൂ​ണ്ടി​ക്കാ​ട്ടി. ക​സ്റ്റ​ഡി​യി​ലെ ചോ​ദ്യം​ചെ​യ്യ​ൽ വേ​ള​യി​ൽ ത​നി​ക്കെ​തി​രെ ഡി.​ആ​ർ.​ഐ ഉ​ദ്യോ​ഗ​സ്ഥ​ർ അ​സ​ഭ്യ​വാ​ക്കു​ക​ൾ ഉ​പ​യോ​ഗി​ച്ചെ​ന്ന ര​ന്യ​യു​ടെ വാ​ദം ഡി.​ആ​ർ.​ഐ ത​ള്ളി. എ​ല്ലാ ന​ട​പ​ടി​ക്ര​മ​ങ്ങ​ളും നി​യ​മ​പ​ര​മാ​യും സ​മാ​ധാ​ന​പ​ര​മാ​യും പൂ​ർ​ത്തി​യാ​ക്കി​യാ​ണ് അ​റ​സ്റ്റ് രേ​ഖ​പ്പെ​ടു​ത്തി​യ​തെ​ന്നും അ​വ​ർ ചൂ​ണ്ടി​ക്കാ​ട്ടി.