ക​ന്ന​ടാ​ഭി​മാ​ന നി​റ​വി​ൽ ബാ​നു മു​ഷ്താ​ഖ്

ബം​ഗ​ളു​രു: ക​ന്ന​ട ഭാ​ഷ​യെ​യും സം​സ്കാ​ര​ത്തെ​യും ബു​ക്ക​ർ പു​ര​സ്കാ​ര നെ​റു​ക​യി​ലെ​ത്തി​ച്ച ബാ​നു മു​ഷ്താ​ഖി​ന് അ​ഭി​ന​ന്ദ​ന പ്ര​വാ​ഹം. ക​ന്ന​ട​യി​ൽ​നി​ന്ന് ബു​ക്ക​ർ പു​ര​സ്കാ​ര വേ​ദി​യി​ലെ​ത്തു​ന്ന ആ​ദ്യ സാ​ഹി​ത്യ​കാ​രി​യാ​ണ് ഹാ​സ​ൻ സ്വ​ദേ​ശി​നി​യാ​യ ബാ​നു മു​ഷ്താ​ഖ്.

ഇ​ന്റ​ർ​നാ​ഷ​ന​ൽ ബു​ക്ക​ർ പ്രൈ​സ് നേ​ട്ടം ക​ന്ന​ട​ക്കും ക​ന്ന​ടി​ഗ​ർ​ക്കും ക​ർ​ണാ​ട​ക​ക്കും ആ​ഘോ​ഷ​നി​മി​ഷ​മാ​ണെ​ന്നും ക​ന്ന​ട​യു​ടെ അ​ഭി​മാ​ന പ​താ​ക അ​ന്താ​രാ​ഷ്ട്ര​ത​ല​ത്തി​ലേ​ക്ക് അ​വ​ർ ഉ​യ​ർ​ത്തി​യ​താ​യും ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ അ​ഭി​ന​ന്ദ​ന​ക്കു​റി​പ്പി​ൽ പ​റ​ഞ്ഞു.

രാ​ഷ്ട്രീ​യ- സാം​സ്കാ​രി​ക നേ​താ​ക്ക​ളും എ​ഴു​ത്തു​കാ​രും അ​ഭി​ന​ന്ദ​ന​ങ്ങ​ൾ നേ​ർ​ന്നു. ബാ​നു മു​ഷ്താ​ഖി​​ന്റെ ഹാ​സ​നി​ലെ വീ​ട്ടി​ലേ​ക്ക് അ​ഭി​ന​ന്ദ​ന​ങ്ങ​ളു​മാ​യി ജ​ന​നേ​താ​ക്ക​ളും എ​ഴു​ത്തു​കാ​രു​മെ​ത്തി. ഭ​ർ​ത്താ​വ് മു​ഷ്താ​ഖ് മു​ഹ്‍യു​ദ്ദീ​നും മ​ക​ൻ താ​ഹി​ർ മു​ഷ്താ​ഖും കു​ടും​ബ​വും മ​ധു​രം വി​ത​ര​ണം ചെ​യ്ത് ഏ​വ​രെ​യും സ്വീ​ക​രി​ച്ചു. ഇ​ന്ത്യ​ൻ സ​മ​യം ചൊ​വ്വാ​ഴ്ച അ​ർ​ധ​രാ​ത്രി​യോ​ടെ​യാ​യി​രു​ന്നു ല​ണ്ട​നി​ൽ പു​ര​സ്കാ​ര പ്ര​ഖ്യാ​പ​ന ച​ട​ങ്ങ് ന​ട​ന്ന​ത്.

രാ​ത്രി മു​ഴു​വ​ൻ ത​ങ്ങ​ൾ ഫ​ല​ത്തി​നാ​യി കാ​ത്തി​രി​ക്കു​ക​യാ​യി​രു​ന്നെ​ന്നും പ്ര​ഖ്യാ​പ​നം വ​ന്ന​തോ​ടെ ആ​ഹ്ലാ​ദ നെ​റു​ക​യി​ലാ​യെ​ന്നും മു​ഷ്താ​ഖ് പ​റ​ഞ്ഞു. സ​മീ​ന, ലു​ബ്ന, ആ​യി​ശ എ​ന്നീ മൂ​ന്നു പെ​ൺ​മ​ക്ക​ളും ബാ​നു മു​ഷ്താ​ഖി​നൊ​പ്പം ല​ണ്ട​നി​ലേ​ക്ക് തി​രി​ച്ചി​രു​ന്നു. വി​സ കാ​ര​ണ​ങ്ങ​ളാ​ലാ​ണ് ഭ​ർ​ത്താ​വ് മു​ഷ്താ​ഖി​നും മ​ക​ൻ താ​ഹി​റി​നും കൂ​ടെ പോ​കാ​ൻ ക​ഴി​യാ​തി​രു​ന്ന​ത്.

പു​ര​സ്കാ​ര നേ​ട്ട​ത്തി​ന് ശേ​ഷം ഈ ​മാ​സം 26ന് ​ബാ​നു ല​ണ്ട​നി​ൽ​നി​ന്ന് മ​ട​ങ്ങി​യെ​ത്തും. ബം​ഗ​ളൂ​രു​വി​ൽ വ​ൻ സ്വീ​ക​ര​ണ​മൊ​രു​ക്കാ​നു​ള്ള ത​യാ​റെ​ടു​പ്പി​ലാ​ണ് ക​ർ​ണാ​ട​ക സ​ർ​ക്കാ​ർ.

ത​ന്റെ എ​ഴു​ത്തി​നും അ​ഭി​ഭാ​ഷ​ക ജോ​ലി​ക്കും മാ​ധ്യ​മ​പ്ര​വ​ർ​ത്ത​ന​ത്തി​നും സാ​മൂ​ഹി​ക പ്ര​വ​ർ​ത്ത​ന​ത്തി​നും ഭ​ർ​ത്താ​വും കു​ടും​ബ​വും ന​ൽ​കു​ന്ന പി​ന്തു​ണ​യെ​ക്കു​റി​ച്ച് ബാ​നു മു​ഷ്താ​ഖ് ഒ​ര​ഭി​മു​ഖ​ത്തി​ൽ മു​മ്പ് സൂ​ചി​പ്പി​ച്ചി​രു​ന്നു. വ്യ​ക്തി​പ​ര​മാ​യി ഏ​റ്റ​വും പ്ര​യാ​സം നി​റ​ഞ്ഞ ഘ​ട്ട​ങ്ങ​ളി​ലൂ​ടെ ക​ട​ന്നു​പോ​യ​പ്പോ​ഴും ഭ​ർ​ത്താ​വ് മു​ഷ്താ​ഖ് മു​ഹ്‍യു​ദ്ദീ​ൻ താ​ങ്ങാ​യി ഒ​പ്പം​നി​ന്നു.

മു​സ്‍ലിം സ്ത്രീ​ക​ളു​ടെ പ​ള്ളി പ്ര​വേ​ശ​ന​വു​മാ​യി ബ​ന്ധ​പ്പെ​ട്ട അ​നു​കൂ​ല അ​ഭി​പ്രാ​യ പ്ര​ക​ട​നം ബാ​നു മു​ഷ്താ​ഖ് ന​ട​ത്തി​യ​പ്പോ​ൾ സ​മു​ദാ​യ​ത്തി​ലെ ചി​ല മ​ത​മേ​ല​ധ്യ​ക്ഷ​രി​ൽ​നി​ന്ന് പ​ഴി കേ​ൾ​ക്കേ​ണ്ടി​വ​ന്ന​ത് മു​ഷ്താ​ഖി​നാ​യി​രു​ന്നു. ക​ർ​ണാ​ട​ക സാ​ഹി​ത്യ പു​ര​സ്കാ​ര ജേ​താ​വു​കൂ​ടി​യാ​യ ബാ​നു മു​ഷ്താ​ഖ്, ദാ​ന ചി​ന്താ​മ​ണി അ​ത്തി​മ​ബ്ബ പു​ര​സ്കാ​രം അ​ട​ക്ക​മു​ള്ള​വ നേ​ടി​യി​ട്ടു​ണ്ട്.

ബാ​നു മു​ഷ്താ​ഖി​ന്റെ ല​ഗേ​ജ് കാ​ണാ​താ​യി

ബം​ഗ​ളൂ​രു: ല​ണ്ട​നി​ൽ ബു​ക്ക​ർ പു​ര​സ്കാ​ര പ്ര​ഖ്യാ​പ​ന ച​ട​ങ്ങി​നെ​ത്തി​യ സാ​ഹി​ത്യ​കാ​രി ബാ​നു മു​ഷ്താ​ഖി​ന്റെ ല​ഗേ​ജ് കാ​ണാ​താ​യി. ഇ​തു സം​ബ​ന്ധി​ച്ച് അ​വ​ർ ത​ന്റെ സ​മൂ​ഹ മാ​ധ്യ​മ അ​ക്കൗ​ണ്ടി​ൽ പോ​സ്റ്റി​ട്ടി​രു​ന്നു. അ​ത്യാ​വ​ശ്യ മ​രു​ന്നു​ക​ളും ച​ട​ങ്ങി​ൽ ധ​രി​ക്കേ​ണ്ട സി​ൽ​ക്ക് സാ​രി​യു​മ​ട​ക്ക​മു​ള്ള ല​ഗേ​ജാ​ണ് കാ​ണാ​താ​യ​ത്.

കൂ​ടെ​യു​ണ്ടാ​യി​രു​ന്ന പെ​ൺ​മ​ക്ക​ൾ ന​ട​ത്തി​യ പ​രി​ശ്ര​മ​ത്തി​നൊ​ടു​വി​ൽ ല​ഗേ​ജ് എ​വി​ടെ​യാ​ണു​ള്ള​തെ​ന്ന് അ​റി​യാ​ൻ ക​ഴി​ഞ്ഞ​താ​യും വൈ​കാ​തെ കൈ​യി​ൽ​കി​ട്ടു​മെ​ന്ന് അ​വ​ർ അ​റി​യി​ച്ച​താ​യും ബാ​നു മു​ഷ്താ​ഖി​ന്റെ ഭ​ർ​ത്താ​വ് മു​ഷ്താ​ഖ് മു​ഹ്‍യു​ദ്ദീ​ൻ ഹാ​സ​നി​ൽ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു.

മ​ക്ക​ൾ ല​ണ്ട​നി​ൽ​നി​ന്ന് സം​ഘ​ടി​പ്പി​ച്ചു ന​ൽ​കി​യ മ​റ്റൊ​രു സാ​രി ധ​രി​ച്ചാ​ണ് ബാ​നു മു​ഷ്താ​ഖ് ബു​ക്ക​ർ സ​മ്മാ​നം സ്വീ​ക​രി​ക്കാ​ൻ വേ​ദി​യി​ലെ​ത്തി​യ​ത്.