ബംഗളൂരു അതിവേഗ പാത; പ്രതിഷേധം കനത്തതോടെ ടോൾ നിരക്ക്​ വർധന പിൻവലിച്ചു

ബം​ഗ​ളൂ​രു: ജ​ന​ങ്ങ​ളി​ൽ​നി​ന്ന്​ പ്ര​തി​ഷേ​ധം ഉ​യ​ർ​ന്ന​തോ​ടെ ബം​ഗ​ളൂ​രു-​മൈ​സൂ​രു പ​ത്തു​വ​രി അ​തി​വേ​ഗ​പാ​ത​യി​ൽ 22 ശ​ത​മാ​ന​മാ​യി കൂ​ട്ടി​യ ടോ​ൾ നി​ര​ക്ക്​ പി​ൻ​വ​ലി​ച്ചു. പ​ഴ​യ ടോ​ൾ നി​ര​ക്കു​ത​ന്നെ തു​ട​രും.

മേ​യ്​ പ​ത്തി​ന്​ ക​ർ​ണാ​ട​ക​യി​ൽ തെ​ര​ഞ്ഞെ​ടു​പ്പ്​ ന​ട​ക്കാ​നി​രി​ക്കേ​യാ​ണ്​ ന​ട​പ​ടി. ഏ​പ്രി​ൽ ഒ​ന്നു​മു​ത​ൽ ദേ​ശീ​യ​ത​ല​ത്തി​ൽ എ​ല്ലാ പാ​ത​ക​ളി​ലും ടോ​ൾ നി​ര​ക്ക്​ കൂ​ട്ടു​ന്ന​തി​ന്‍റെ ഭാ​ഗ​മാ​യി ബം​ഗ​ളൂ​രു പാ​ത​യി​ലും നി​ര​ക്ക്​ കൂ​ട്ടു​മെ​ന്നാ​ണ്​ ദേ​ശീ​യ​പാ​ത അ​തോ​റി​റ്റി അ​ധി​കൃ​ത​ർ ക​ഴി​ഞ്ഞ ദി​വ​സം അ​റി​യി​ച്ച​ത്. എ​ന്നാ​ൽ, ഇ​തി​ൽ വ്യാ​പ​ക​മാ​യ എ​തി​ർ​പ്പാ​ണു​ണ്ടാ​യ​ത്. ഇ​തോ​ടെ​യാ​ണ്​ നി​ര​ക്ക്​ കൂ​ട്ട​ൽ പി​ൻ​വ​ലി​ച്ച​ത്. ഇ​ക്കാ​ര്യം അ​തോ​റി​റ്റി ​പ്രോ​ജ​ക്ട്​ ഡ​യ​റ​ക്ട​ർ ബി.​ടി.​ ശ്രീ​ധ​ർ സ്ഥി​രീ​ക​രി​ച്ചു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി പാ​ത ഉ​ദ്​​ഘാ​ട​നം ചെ​യ്ത്​ 19 ദി​വ​സ​ത്തി​ന്​ ശേ​ഷ​മാ​ണ്​ ടോ​ൾ നി​ര​ക്കി​ൽ വ​ൻ വ​ർ​ധ​ന​ വ​രു​ത്തി​യ​ത്. ഇ​ത്​ വ​ൻ പ്ര​തി​ഷേ​ധ​ത്തി​ന്​ ഇ​ട​യാ​ക്കി​യി​രു​ന്നു.

തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​ന്‍റെ ഭാ​ഗ​മാ​യി ഏ​പ്രി​ൽ ഒ​മ്പ​തി​ന്​ മോ​ദി മൈ​സൂ​രു​വി​ൽ എ​ത്തു​ന്നു​മു​ണ്ട്. ഇ​ക്കാ​ര്യ​ങ്ങ​ൾ​കൂ​ടി പ​രി​ഗ​ണി​ച്ചാ​ണ്​ നി​ര​ക്ക്​ വ​ർ​ധ​ന​ പി​ൻ​വ​ലി​ച്ച​തെ​ന്നാ​ണ്​ വി​വ​രം.

പി​ൻ​വ​ലി​ച്ച​തോ​ടെ കാ​ർ, ജീ​പ്പ്, വാ​ൻ എ​ന്നി​വ​ക്ക്​ ഒ​റ്റ​യാ​ത്ര​ക്ക്​ 135 രൂ​പ​യെ​ന്ന നി​ല​വി​ലെ നി​ര​ക്ക്​ തു​ട​രും. ഒ​റ്റ​ദി​വ​സ​ത്തി​ൽ​ത​ന്നെ മ​ട​ക്ക​യാ​ത്ര​യു​മു​ണ്ടെ​ങ്കി​ൽ 205 രൂ​പ​യാ​ണ്. മി​നി ബ​സു​ക​ൾ​ക്ക്​ 220 രൂ​പ​യും ബ​സു​ക​ൾ​ക്ക്​ 460 രൂ​പ​യു​മാ​ണ്​ ഒ​റ്റ​യാ​ത്ര​ക്ക് വേ​ണ്ട​ത്​. കാ​ർ, ജീ​പ്പ്, വാ​ൻ എ​ന്നി​വ​ക്ക്​ 165 രൂ​പ, മ​ട​ക്ക​യാ​ത്ര​കൂ​ടി ഉ​ണ്ടെ​ങ്കി​ൽ 250, മി​നി​ബ​സ്​ 270, മ​ട​ക്ക​യാ​ത്ര​കൂ​ടി ഉ​ണ്ടെ​ങ്കി​ൽ 405, ബ​സി​ന്​​ 565, മ​ട​ക്ക​യാ​ത്ര​കൂ​ടി ഉ​ണ്ടെ​ങ്കി​ൽ 850 എ​ന്നി​ങ്ങ​നെ​യാ​യി​രു​ന്നു ടോ​ൾ നി​ര​ക്കി​ൽ ഏ​പ്രി​ൽ ഒ​ന്നു മു​ത​ൽ വ​ർ​ധ​ന​ വ​രു​ത്തു​മെ​ന്ന്​ അ​റി​യി​ച്ചി​രു​ന്ന​ത്. ഇ​താ​ണ്​ ഇ​പ്പോ​ൾ പി​ൻ​വ​ലി​ച്ചി​രി​ക്കു​ന്ന​ത്.