ബംഗളൂരു; എം.എം.എക്ക് കീഴിൽ ഒമ്പത് മെഗാ പദ്ധതികൾ- എൻ.എ. ഹാരിസ് എം.എൽ.എ
text_fields
നാലപ്പാട്ട് ചേംബറിൽ ചേർന്ന എം.എം.എ പ്രവർത്തകസമിതി അംഗങ്ങളുടെ യോഗത്തിൽ ജനറൽ സെക്രട്ടറി ടി.സി. സിറാജ് സംസാരിക്കുന്നു
ബംഗളൂരു: മലബാർ മുസ്‍ലിം അസോസിയേഷൻ 90ാം വർഷികാഘോഷത്തോടനുബന്ധിച്ച് ബംഗളൂരുവിലെ നിർധന കുടുംബങ്ങൾക്ക് സഹായകമാവുന്ന ഒമ്പത് ഇന കർമപദ്ധതികൾ പ്രഖ്യാപിക്കുമെന്ന് വർക്കിങ് പ്രസിഡന്റ് എൻ.എ. ഹാരിസ് എം.എൽ.എ പറഞ്ഞു. നാലപ്പാട്ട് ചേംബറിൽ ചേർന്ന എം.എം.എ പ്രവർത്തക സമിതി അംഗങ്ങളുടെ യോഗത്തിൽ അധ്യക്ഷത വഹിക്കുകയായിരുന്നു അദ്ദേഹം.
ഒമ്പതിന മെഗാ പദ്ധതികൾക്കു പുറമെ, തൊഴിൽരഹിതർക്ക് സ്വയം തൊഴിൽ കണ്ടെത്തുന്നതിന്റെ ഭാഗമായി ചെയ്തുവരുന്ന പദ്ധതികൾ, ഭവനരഹിതർക്ക് ഭവനം നിർമിച്ചുനൽകുന്ന പദ്ധതികൾ, മഹിളകൾക്ക്‌ നൽകിവരുന്ന തയ്യൽ പരിശീലനം, വൃക്ക രോഗികൾക്കുള്ള സൗജന്യ ഡയാലിസിസ്‌ എന്നിവ തുടർന്നും നടപ്പിൽവരുത്തും. ജനറൽ സെക്രട്ടറി ടി.സി. സിറാജ് സ്വാഗതം പറഞ്ഞു. കെ.സി. അബ്ദുൽ ഖാദർ, ശംസുദ്ദീൻ കൂടാളി, പി.കെ. റമീസ്, ഫിജാസ് തുടങ്ങിയവർ സംസാരിച്ചു.