സതീഷ് തോട്ടശ്ശേരിക്ക് പുരസ്‌കാരം സമ്മാനിച്ചു

ബംഗളൂരു: കൊച്ചിൻ സാഹിത്യ അക്കാദമിയുടെ സുവർണ തൂലിക പുരസ്കാരം സതീഷ് തോട്ടശ്ശേരിക്ക് സമ്മാനിച്ചു.അനുഭവ നർമനക്ഷത്രങ്ങൾ എന്ന കഥാസമാഹാരത്തിന് ലഭിച്ച പുരസ്കാരം തൃശൂർ സാഹിത്യ അക്കാദമിയിൽ നടന്ന ചടങ്ങിൽ എഴുത്തുകാരനും ചലച്ചിത്ര നിരൂപകനുമായ ഐ. ഷണ്മുഖദാസ് കൈമാറി.

സാഹിത്യ അക്കാദമി സെക്രട്ടറി സി.പി. അബൂബക്കർ, കവി രാവുണ്ണി, കൊച്ചിൻ സാഹിത്യ അക്കാദമി ഭാരവാഹികളായ വിപിൻ പള്ളുരുത്തി, റോബിൻ, മോഹൻദാസ് മണ്ണാർക്കാട് എന്നിവർ പങ്കെടുത്തു.