‘അന്നഭാഗ്യ’യിൽ കല്ലുകടിച്ച് കേന്ദ്രം; കർണാടകക്ക് പഞ്ചാബ് അരി നൽകും

ബം​ഗ​ളൂ​രു: ബി.​പി.​എ​ൽ കു​ടും​ബ​ങ്ങ​ൾ​ക്ക് സൗ​ജ​ന്യ അ​രി ന​ൽ​കു​ന്ന ക​ർ​ണാ​ട​ക സ​ർ​ക്കാ​റി​ന്റെAnnabhagya' schemeക്ക് കേ​ന്ദ്ര​സ​ർ​ക്കാ​ർ ഉ​ട​ക്കി​ട്ട​തോ​ടെ അ​രി ന​ൽ​കാ​മെ​ന്നു​സ​മ്മ​തി​ച്ച് പ​ഞ്ചാ​ബ്. ഫു​ഡ് കോ​ർ​പ​റേ​ഷ​ൻ ഓ​ഫ് ഇ​ന്ത്യ (എ​ഫ്.​സി.​ഐ) അ​രി ന​ൽ​കാ​മെ​ന്ന് സ​മ്മ​തി​ച്ചി​രു​ന്നെ​ങ്കി​ലും പി​ന്നീ​ട് ക​ഴി​യി​ല്ലെ​ന്ന് അ​റി​യി​ച്ച​തോ​ടെ ക​ർ​ണാ​ട​ക പ്ര​തി​സ​ന്ധി​യി​ലാ​യി​രു​ന്നു.

പാ​വ​പ്പെ​ട്ട​വ​ർ​ക്ക് അ​രി ന​ൽ​കു​ന്ന പ​ദ്ധ​തി​ക്ക് രാ​ഷ്ട്രീ​യ കാ​ര​ണ​ങ്ങ​ളാ​ൽ കേ​ന്ദ്ര​സ​ർ​ക്കാ​ർ പാ​ര​വെ​ച്ചു​വെ​ന്നാ​ണ് കോ​ൺ​ഗ്ര​സ് ആ​രോ​പി​ക്കു​ന്ന​ത്. എ​ന്നാ​ൽ, ​അ​രി ന​ൽ​കാ​മെ​ന്ന് നേ​ര​ത്തേ​ത​​ന്നെ കേ​ന്ദ്രം സ​മ്മ​തി​ച്ചി​ട്ടി​ല്ലെ​ന്നാ​ണ് ബി.​ജെ.​പി​യു​ടെ മ​റു​പ​ടി. അ​രി ന​ൽ​കാ​മെ​ന്ന് സ​മ്മ​തി​ച്ചും പി​ന്നീ​ട് ക​ഴി​യി​​ല്ലെ​ന്നു​പ​റ​ഞ്ഞും എ​ഫ്.​സി.​ഐ സം​സ്ഥാ​ന സ​ർ​ക്കാ​റി​ന് ന​ൽ​കി​യ ക​ത്ത് ക​ഴി​ഞ്ഞ ദി​വ​സം മു​ഖ്യ​മ​ന്ത്രി സി​ദ്ധ​രാ​മ​യ്യ പു​റ​ത്തു​വി​ട്ട​തോ​ടെ ബി.​ജെ.​പി വെ​ട്ടി​ലാ​യി.

തെ​ല​ങ്കാ​ന​യി​ൽ​നി​ന്ന് അ​രി എ​ത്തി​ക്കാ​നു​ള്ള നീ​ക്കം സം​സ്ഥാ​ന സ​ർ​ക്കാ​ർ ന​ട​ത്തി​യെ​ങ്കി​ലും വി​ജ​യി​ച്ചി​രു​ന്നി​ല്ല. ഇ​തോ​ടെ​യാ​ണ് ആം ​ആ​ദ്മി ഭ​രി​ക്കു​ന്ന പ​ഞ്ചാ​ബ് അ​രി ന​ൽ​കാ​മെ​ന്ന് വാ​ഗ്ദാ​നം ന​ൽ​കി​യ​ത്. ക​ർ​ണാ​ട​ക​ക്ക് ന​ൽ​കാ​നു​ള്ള മ​തി​യാ​യ അ​രി​ശേ​ഖ​രം ത​ങ്ങ​ൾ​ക്കു​ണ്ടെ​ന്ന് പ​ഞ്ചാ​ബ് മു​ഖ്യ​മ​ന്ത്രി ഭ​ഗ്‍വ​ന്ത് മാ​ൻ തി​ങ്ക​ളാ​ഴ്ച സി​ദ്ധ​രാ​മ​യ്യ​യു​മാ​യി ന​ട​ത്തി​യ ച​ർ​ച്ച​യി​ൽ സ​മ്മ​തി​ച്ച​താ​യി ആം ​ആ​ദ്മി ക​ർ​ണാ​ട​ക ക​ൺ​വീ​ന​ർ പൃ​ഥ്വി റെ​ഡ്ഡി അ​റി​യി​ച്ചു.

ബി.​പി.​എ​ൽ കാ​ർ​ഡു​ക​ളി​ലു​ള്ള ഓ​രോ ആ​ൾ​ക്കും 10 കി​ലോ​ഗ്രാം വീ​തം സൗ​ജ​ന്യ അ​രി ന​ൽ​കു​ന്ന ‘അ​ന്ന​ഭാ​ഗ്യ’ പ​ദ്ധ​തി കോ​ൺ​ഗ്ര​സി​ന്റെ തെ​ര​ഞ്ഞെ​ടു​പ്പ് വാ​ഗ്ദാ​ന​മാ​യി​രു​ന്നു.

നി​ല​വി​ൽ ന​ൽ​കു​ന്ന അ​ഞ്ച് കി​ലോ​ഗ്രാം പ​ത്ത് കി​ലോ ആ​ക്കി വ​ർ​ധി​പ്പി​ക്കു​ന്ന പ​ദ്ധ​തി ജൂ​ലൈ ഒ​ന്നു​മു​ത​ലാ​ണ് ആ​രം​ഭി​ക്കു​ക.

ഇ​തി​നാ​യി മാ​സം 840 കോ​ടി രൂ​പ​യാ​ണ് ചെ​ല​വ് വ​രു​ക. വ​ർ​ഷം 10,092 കോ​ടി രൂ​പ​യും. 2.28 ല​ക്ഷം ട​ൺ അ​രി​യാ​ണ് പ​ദ്ധ​തി തു​ട​ങ്ങാ​നാ​യി ആ​വ​ശ്യ​മു​ള്ള​ത്. തെ​ല​ങ്കാ​ന​യും ആ​ന്ധ്ര​യും മ​തി​യാ​യ അ​രി​ശേ​ഖ​രം ത​ങ്ങ​ൾ​ക്കി​​ല്ലെ​ന്ന് നേ​ര​ത്തേ അ​റി​യി​ച്ചി​രു​ന്നു. അ​തേ​സ​മ​യം, ഛത്തി​സ്ഗ​ഢ് 1.5 ല​ക്ഷം ട​ൺ അ​രി ന​ൽ​കും. കി​ലോ​ക്ക് 34 രൂ​പ​യും ക​ട​ത്തു​കൂ​ലി​യാ​യി 2.6 രൂ​പ​യും ന​ൽ​കി​യാ​ണ് എ​ഫ്.​സി.​ഐ​യി​ൽ​നി​ന്ന് അ​രി വാ​ങ്ങാ​ൻ ക​ർ​ണാ​ട​ക ഉ​ദ്ദേ​ശി​ച്ചി​രു​ന്ന​ത്. അ​രി ന​ൽ​കാ​ത്ത കേ​ന്ദ്ര സ​ർ​ക്കാ​റി​നെ​തി​രെ ​ചൊ​വ്വാ​ഴ്ച കോ​ൺ​ഗ്ര​സ് സം​സ്ഥാ​ന​ത്തു​ട​നീ​ളം പ്ര​തി​ഷേ​ധ യോ​ഗ​ങ്ങ​ൾ ന​ട​ത്തി.