അലയന്സ് ലിറ്ററേച്ചര് ഫെസ്റ്റിവൽ ഫെബ്രുവരി 13 മുതല്
text_fieldsബംഗളൂരു: അലയന്സ് യൂനിവേഴ്സിറ്റി സംഘടിപ്പിക്കുന്ന അലയന്സ് ലിറ്ററേച്ചര് ഫെസ്റ്റിവലിന്റെ നാലാം പതിപ്പ് ‘എ.എൽ.എഫ്4.0’ ഫെബ്രുവരി 13 മുതല് 15 വരെ നടക്കും. ‘ദി ഏഷ്യന് സെഞ്ച്വറി’ എന്ന പ്രമേയത്തിൽ നടക്കുന്ന ഫെസ്റ്റിവലിൽ സാഹിത്യം, സംസ്കാരം എന്നിവയിലൂന്നി ഏഷ്യയിലെ സാമ്പത്തികം, രാഷ്ട്രീയം, കല തുടങ്ങിയവയെക്കുറിച്ച് ചര്ച്ചകള് നടക്കും.
25 രാജ്യങ്ങളില്നിന്നുള്ള 120ലധികം പ്രഭാഷകര് പങ്കെടുക്കും. ബോളിവുഡിലെ ഗാന രചയിതാവും തിരക്കഥാകൃത്തുമായ ജാവേദ് അക്തര്, ജാപ്പനീസ് എഴുത്തുകാരന് അസാക്കോ യുസുക്കി, മുൻ ഇന്ത്യൻ ക്രിക്കറ്റ് താരം അനില് കുംബ്ലെ, ഇന്ത്യന് അമേരിക്കന് അനിമേറ്റര് സഞ്ജയ് പട്ടേല്, മാധ്യമപ്രവര്ത്തകന് രാജ്ദീപ് സര്ദേശായി, എഴുത്തുകാരന് പെരുമാള് മുരുകന് തുടങ്ങിയവര് വിവിധ സെഷനുകളിൽ സംസാരിക്കും.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.