സ്കൂ​ൾ ഫീ​സ് വ​ർ​ധ​ന​ക്കെ​തി​രെ ന​ട​പ​ടി​ -ബാ​ലാ​വ​കാ​ശ ക​മീ​ഷ​ൻ

ബം​ഗ​ളൂ​രു: ബം​ഗ​ളൂ​രു​വി​ലെ നി​ര​വ​ധി മു​ൻ​നി​ര സ്വ​കാ​ര്യ അ​ൺ എ​യ്ഡ​ഡ് സ്‌​കൂ​ളു​ക​ളു​ടെ അ​മി​ത ഫീ​സ് വ​ർ​ധ​ന​ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്ന് ക​ർ​ണാ​ട​ക സം​സ്ഥാ​ന ബാ​ലാ​വ​കാ​ശ സം​ര​ക്ഷ​ണ ക​മീ​ഷ​ൻ ചെ​യ​ർ​മാ​ൻ കെ. ​നാ​ഗ​ണ്ണ ഗൗ​ഡ പ​റ​ഞ്ഞു. ഈ ​വ​ർ​ഷം ര​ക്ഷി​താ​ക്ക​ളി​ൽ​നി​ന്ന് നി​ര​വ​ധി പ​രാ​തി​ക​ൾ ല​ഭി​ച്ച​താ​യി അ​ദ്ദേ​ഹം പ​റ​ഞ്ഞു.

സ്കൂ​ൾ ഫീ​സി​ലെ അ​ന്യാ​യ വ​ർ​ധ​ന, ഫീ​സ് പ​രി​ഷ്ക​ര​ണ​ത്തി​ലെ സു​താ​ര്യ​ത​യി​ല്ലാ​യ്മ എ​ന്നി​വ​ക്ക് പു​റ​മെ സ്കൂ​ളു​കാ​ർ നി​ർ​ദേ​ശി​ക്കു​ന്ന വി​ൽ​പ​ന​ക്കാ​രി​ൽ​നി​ന്ന് പാ​ഠ​പു​സ്ത​ക​ങ്ങ​ൾ, യൂ​നി​ഫോ​മു​ക​ൾ, ഷൂ​സ്, ബാ​ഗു​ക​ൾ, മ​റ്റു വ​സ്തു​ക്ക​ൾ എ​ന്നി​വ വാ​ങ്ങാ​ൻ ര​ക്ഷി​താ​ക്ക​ളു​ടെ മേ​ൽ സ​മ്മ​ർ​ദം എ​ന്നി​വ​യു​മാ​യി ബ​ന്ധ​പ്പെ​ട്ട​താ​ണ് മി​ക്ക പ​രാ​തി​ക​ളും. പ​രാ​തി​ക​ളെ തു​ട​ർ​ന്ന് ക​മീ​ഷ​ൻ ചി​ല സ്കൂ​ളു​ക​ൾ​ക്ക് നോ​ട്ടീ​സ് അ​യ​ച്ചി​ട്ടു​ണ്ട്. അ​വ​യി​ൽ മി​ക്ക​തും സെ​ൻ​ട്ര​ൽ ബോ​ർ​ഡു​മാ​യി അ​ഫി​ലി​യേ​റ്റ് ചെ​യ്ത​താ​ണ്.

ഈ ​വ​ർ​ഷം 300ല​ധി​കം പ​രാ​തി​ക​ൾ ക​മീ​ഷ​ന് ല​ഭി​ച്ചു. ഓ​രോ കേ​സി​ന്റെ​യും ഗൗ​ര​വം ക​ണ​ക്കി​ലെ​ടു​ത്ത് ന​ട​പ​ടി​യെ​ടു​ക്കു​ന്നു. ബു​ധ​നാ​ഴ്ച സെ​ൻ​ട്ര​ൽ ബം​ഗ​ളൂ​രു​വി​ലെ മൂ​ന്നു സ്കൂ​ളു​ക​ൾ​ക്ക് നോ​ട്ടീ​സ് ന​ൽ​കി​യി​രു​ന്നു. വി​ദ്യാ​ഭ്യാ​സ അ​വ​കാ​ശ നി​യ​മ​ത്തി​ലെ വ്യ​വ​സ്ഥ​ക​ൾ ലം​ഘി​ക്കു​ന്ന സ്ഥാ​പ​ന​ങ്ങ​ൾ​ക്കെ​തി​രെ തു​ട​ർ​ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് സ്കൂ​ൾ വി​ദ്യാ​ഭ്യാ​സ ക​മീ​ഷ​ണ​ർ​ക്ക് ക​മീ​ഷ​ൻ ക​ത്തെ​ഴു​തു​മെ​ന്നും അ​ദ്ദേ​ഹം അ​റി​യി​ച്ചു.

മാ​ന​ദ​ണ്ഡ​ങ്ങ​ൾ അ​നു​സ​രി​ച്ച്, സ്വ​കാ​ര്യ സ്കൂ​ളു​ക​ൾ​ക്ക് പ്ര​തി​വ​ർ​ഷം 10 മു​ത​ൽ 12 ശ​ത​മാ​നം വ​രെ ഫീ​സ് വ​ർ​ധി​പ്പി​ക്കാ​ൻ അ​നു​വാ​ദ​മു​ണ്ട്. എ​ന്നാ​ൽ, ചി​ല സ്കൂ​ളു​ക​ൾ ഈ ​വ​ർ​ഷം 40 ശ​ത​മാ​നം വ​രെ ഫീ​സ് വ​ർ​ധി​പ്പി​ച്ച​താ​യാ​ണ് പ​രാ​തി. ഫീ​സ് നി​ശ്ച​യി​ക്കു​ന്ന​ത് സം​ബ​ന്ധി​ച്ച വി​ഷ​യം സ​ർ​ക്കാ​ർ ഗൗ​ര​വ​മാ​യി കാ​ണു​ക​യും ഫീ​സ് ഉ​യ​ർ​ത്തു​ന്ന​തി​ന് മാ​ന​ദ​ണ്ഡം നി​ശ്ച​യി​ക്കു​ക​യും സ്കൂ​ളു​ക​ളെ നി​രീ​ക്ഷി​ക്കു​ക​യും വേ​ണ​മെ​ന്ന് ഗൗ​ഡ പ​റ​ഞ്ഞു.