ബംഗളൂരുവിൽ ആറ്റിങ്ങൽ സ്വദേശിനി കൊല്ലപ്പെട്ടു

ബം​ഗ​ളൂ​രു: ബം​ഗ​ളൂ​രു ന​ഗ​ര​ത്തി​ൽ മ​ല​യാ​ളി യു​വ​തി​യെ കാ​മു​ക​ൻ ത​ല​ക്ക​ടി​ച്ച് കൊ​ല​പ്പെ​ടു​ത്തി. തി​രു​വ​ന​ന്ത​പു​രം ആ​റ്റി​ങ്ങ​ൽ സ്വ​ദേ​ശി​നി പത്മ ദേ​വ​യാ​ണ് (24) കൊ​ല്ല​പ്പെ​ട്ട​ത്. സം​ഭ​വ​ത്തി​ൽ യു​വ​തി​യു​ടെ കൂ​ടെ താ​മ​സി​ച്ചി​രു​ന്ന കാ​മു​ക​ൻ കൊ​ല്ലം സ്വ​ദേ​ശി വൈ​ഷ്ണ​വി​നെ (24) പൊ​ലീ​സ് അ​റ​സ്റ്റ് ചെ​യ്തു. വ​ഴ​ക്കി​നി​ടെ യു​വ​തി​യെ പ്ര​ഷ​ർ കു​ക്ക​ർ​കൊ​ണ്ട് ത​ല​ക്ക​ടി​ച്ച് കൊ​ല​പ്പെ​ടു​ത്തു​ക​യാ​യി​രു​ന്നു. ക​ഴി​ഞ്ഞ ദി​വ​സം വൈ​കീ​ട്ട് സൗ​ത്ത് ബം​ഗ​ളൂ​രു ബേ​ഗൂ​രി​ലെ ന്യൂ ​മൈ​ക്കോ ലേ​ഔ​ട്ടി​ലാ​ണ് സം​ഭ​വം.

അ​ടി​യേ​റ്റ് ത​ല ത​ക​ർ​ന്ന യു​വ​തി ര​ക്തം വാ​ർ​ന്ന് സം​ഭ​വ​സ്ഥ​ല​ത്തു​ത​ന്നെ മ​രി​ച്ചു. കൊ​ല​പാ​ത​ക​ത്തി​നു​ശേ​ഷം ഒ​ളി​വി​ൽ പോ​യ വൈ​ഷ്ണ​വി​നെ ​പൊ​ലീ​സ് പി​ടി​കൂ​ടു​ക​യാ​യി​രു​ന്നു. ഇ​രു​വ​രും ത​മ്മി​ൽ താ​മ​സ​സ്ഥ​ല​ത്ത് വ​ഴ​ക്ക് ന​ട​ന്നി​രു​ന്നു​വെ​ന്ന് അ​യ​ൽ​വാ​സി​ക​ൾ ചൂ​ണ്ടി​ക്കാ​ട്ടി. കോ​ള​ജി​ൽ സ​ഹ​പാ​ഠി​ക​ളാ​യി​രു​ന്ന ദേ​വ​യും വൈ​ഷ്ണ​വും പ​ഠ​ന​കാ​ലം മു​ത​ൽ പ്ര​ണ​യ​ത്തി​ലാ​യി​രു​ന്നു.

ബം​ഗ​ളൂ​രു​വി​ൽ ജോ​ലി കി​ട്ടി​യ​ശേ​ഷം ഒ​ന്നി​ച്ച് താ​മ​സി​ച്ചി​രു​ന്ന ഇ​രു​വ​രും വൈ​കാ​തെ വി​വാ​ഹി​ത​രാ​കാ​ൻ പോ​കു​ക​യാ​യി​രു​ന്നെ​ന്ന് അ​റി​യു​ന്നു. സ്വ​കാ​ര്യ സ്ഥാ​പ​ന​ത്തി​ൽ സെ​യി​ൽ​സ് ആ​ൻ​ഡ് എ​ക്സി​ക്യൂ​ട്ടി​വ് ജോ​ലി ചെ​യ്തു​വ​രു​ക​യാ​യി​രു​ന്നു ഇ​വ​ർ. മൂ​ന്നു വ​ർ​ഷ​മാ​യി ഒ​ന്നി​ച്ചു താ​മ​സി​ച്ചു​വ​രു​ക​യാ​യി​രു​ന്നു.

പ​ങ്കാ​ളി​ക​ളി​ലൊ​രാ​ൾ​ക്ക് വേ​റൊ​രാ​ളു​മാ​യി ബ​ന്ധ​മു​ണ്ടെ​ന്ന സം​ശ​യ​ത്തെ​ത്തു​ട​ർ​ന്നാ​ണ് ഇ​രു​വ​രും ത​മ്മി​ൽ വ​ഴ​ക്കു​ണ്ടാ​യ​തെ​ന്നാ​ണ് വി​വ​രം. വൈ​ഷ്ണ​വി​നെ പൊ​ലീ​സ് ചോ​ദ്യം ചെ​യ്തു​വ​രു​ക​യാ​ണ്. പോ​സ്റ്റ്മോ​ർ​ട്ട​ത്തി​നു​ശേ​ഷം ദേ​വ​യു​ടെ മൃ​ത​ദേ​ഹം ബ​ന്ധു​ക്ക​ൾ​ക്ക് വി​ട്ടു​ന​ൽ​കി.