മൈ​സൂ​രു​വി​ല്‍ ക​ഴി​ഞ്ഞ വ​ര്‍ഷം റി​പ്പോ​ര്‍ട്ട് ചെ​യ്ത​ത് 60 ശൈ​ശ​വ വി​വാ​ഹം

ബം​ഗ​ളൂ​രു: ബോ​ധ​വ​ത്ക​ര​ണ​വും നി​യ​മ​ന​ട​പ​ടി​യും സ​ജീ​വ​മാ​കു​ന്ന​തി​നി​ട​യി​ലും ​​ശൈ​ശ​വ വി​വാ​ഹം പൂ​ർ​ണ​മാ​യും ത​ട​യാ​നാ​വാ​തെ സാ​മൂ​ഹി​ക ക്ഷേ​മ വ​കു​പ്പ്. മൈ​സൂ​രു​വി​ല്‍ മാ​ത്രം ക​ഴി​ഞ്ഞ വ​ര്‍ഷം റി​പ്പോ​ര്‍ട്ട് ചെ​യ്ത​ത് 60 ശൈ​ശ​വ വി​വാ​ഹ​ങ്ങ​ൾ.

ഔ​ദ്യോ​ഗി​ക ക​ണ​ക്കു​ക​ള്‍ പ്ര​കാ​രം, 2024 ഏ​പ്രി​ല്‍ മു​ത​ല്‍ 2025 മാ​ര്‍ച്ച് വ​രെ ശൈ​ശ​വ വി​വാ​ഹ​ങ്ങ​ള്‍ ന​ട​ത്താ​ന്‍ ശ്ര​മി​ച്ച​തു​മാ​യി ബ​ന്ധ​പ്പെ​ട്ട് 284 പ​രാ​തി​ക​ള്‍ ല​ഭി​ച്ചു. ഇ​വ​യി​ല്‍ 224 എ​ണ്ണം ത​ട​യാ​ൻ സാ​ധി​ച്ചു. 60 വി​വാ​ഹ​ങ്ങ​ള്‍ ന​ട​ന്നു. ഇ​ത്ത​രം സം​ഭ​വ​ങ്ങ​ള്‍ റി​പ്പോ​ർ​ട്ട് ചെ​യ്താ​ല്‍ സാ​ധാ​ര​ണ വ​ര​ന്‍റെ​യും വ​ധു​വി​ന്‍റെ​യും ര​ക്ഷി​താ​ക്ക​ളെ അ​റ​സ്റ്റ് ചെ​യ്യു​ക​യാ​ണ് പ​തി​വ്. 2020-21, 2021-22, 2022-23, 2023-24 വ​ര്‍ഷ​ങ്ങ​ളി​ല്‍ യ​ഥാ​ക്ര​മം 31, 33, 36, 39 ശൈ​ശ​വ വി​വാ​ഹ​ക്കേ​സു​ക​ള്‍ ആ​ണ് റി​പ്പോ​ര്‍ട്ട് ചെ​യ്ത​ത്.

ഓ​രോ വ​ര്‍ഷ​വും ശൈ​ശ​വ വി​വാ​ഹ​ങ്ങ​ളു​ടെ എ​ണ്ണം വ​ര്‍ധി​ച്ചു വ​രു​ന്നു​വെ​ന്ന​തും ആ​ശ​ങ്ക​യു​ള​വാ​ക്കു​ന്നു​വെ​ന്നും ബോ​ധ​വ​ത്ക​ര​ണ​വും ശ​ക്ത​മാ​യ നി​യ​മ​വും​കൊ​ണ്ട് മാ​ത്ര​മേ ശൈ​ശ​വ വി​വാ​ഹ​ങ്ങ​ള്‍ നി​ര്‍ത്ത​ലാ​ക്കാ​ന്‍ സാ​ധി​ക്കു​ക​യു​ള്ളൂ​വെ​ന്നും സാ​മൂ​ഹി​ക പ്ര​വ​ർ​ത്ത​ക​ർ പ​റ​യു​ന്നു.

മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ സ്വ​ന്തം ജി​ല്ല​യാ​യ മൈ​സൂ​രു​വി​ൽ​ത്ത​ന്നെ ഇ​ത്ത​രം സം​ഭ​വ​ങ്ങ​ള്‍ തു​ട​രു​ന്നു​വെ​ന്ന വി​മ​ർ​ശ​ന​വു​മു​യ​ര്‍ന്നി​ട്ടു​ണ്ട്. ശൈ​ശ​വ വി​വാ​ഹ​ങ്ങ​ള്‍ ന​ട​ക്കു​ന്ന​തു മൂ​ലം മൈ​സൂ​രു ജി​ല്ല​യി​ല്‍ കൗ​മാ​ര​ക്കാ​രി​ക​ൾ ഗ​ര്‍ഭി​ണി​ക​ളാ​വു​ന്ന കേ​സു​ക​ൾ വ​ര്‍ധി​ച്ചു.

സ്കൂ​ളു​ക​ള്‍ നി​ന്നും കൊ​ഴി​ഞ്ഞു പോ​കു​ന്ന വി​ദ്യാ​ര്‍ഥി​നി​ക​ളു​ടെ ലി​സ്റ്റ് ത​യാ​റാ​ക്കാ​ൻ വി​ദ്യാ​ഭ്യാ​സ ഡ​യ​റ​ക്ട​ർ​ക്ക് വി​ദ്യാ​ഭ്യാ​സ വ​കു​പ്പ് നി​ർ​ദേ​ശം ന​ൽ​കി​യി​രു​ന്നു. ആ​ധാ​ര്‍ കാ​ര്‍ഡു​ക​ളി​ല്‍ വ്യ​ക്ത​മാ​യ കാ​ര​ണ​ങ്ങ​ള്‍ ഇ​ല്ലാ​തെ പെ​ണ്‍കു​ട്ടി​ക​ളു​ടെ ജ​ന​ന തീ​യ​തി മാ​റ്റം വ​രു​ത്തു​ന്ന​വ​ര്‍ക്കെ​തി​രെ ക​ര്‍ശ​ന ന​ട​പ​ടി സ്വീ​ക​രി​ക്കു​മെ​ന്നും സ​ര്‍ക്കാ​ര്‍ പ്ര​ഖ്യാ​പി​ച്ചി​രു​ന്നു.