എഫ്.സി.ഐ ഗോഡൗണിൽ സൂക്ഷിച്ച 3892 ക്വിന്റൽ റേഷനരി കാണാനില്ല

മം​ഗ​ളൂ​രു: റേ​ഷ​ൻ ക​ട​ക​ളി​ലൂ​ടെ പൊ​തു​വി​ത​ര​ണ​ത്തി​നാ​യി മം​ഗ​ളൂ​രു ബ​ണ്ട്വാ​ൾ ബി.​സി റോ​ഡി​ലെ എ​ഫ്.​സി.​ഐ ഗോ​ഡൗ​ണി​ൽ സൂ​ക്ഷി​ച്ചി​രു​ന്ന അ​രി​യി​ൽ 3892 ക്വി​ന്റ​ൽ കാ​ണാ​നി​ല്ലെ​ന്ന് പ​രാ​തി. ന​ഷ്ട​മാ​യ അ​രി​ക്ക് 1,32,36,030 രൂ​പ വി​ല​വ​രും. ഭ​ക്ഷ്യ-​പൊ​തു​വി​ത​ര​ണ മാ​നേ​ജ​ർ ശ​ര​ത് കു​മാ​ർ ഹോ​ണ്ട വെ​ള്ളി​യാ​ഴ്ച വൈ​കീ​ട്ട് ന​ൽ​കി​യ പ​രാ​തി​യി​ൽ കേ​സെ​ടു​ത്ത ബ​ണ്ട്വാ​ൾ ടൗ​ൺ പൊ​ലീ​സ് ഗോ​ഡൗ​ൺ സൂ​പ്പ​ർ​വൈ​സ​ർ കെ. ​വി​ജ​യി​നെ ക​സ്റ്റ​ഡി​യി​ൽ ചോ​ദ്യം ചെ​യ്തു.

ബി.​സി റോ​ഡി​ൽ കെ.​എ​സ്.​ആ​ർ.​ടി.​സി ഡി​പ്പോ​യു​ടെ മു​ന്നി​ൽ പ്ര​വ​ർ​ത്തി​ക്കു​ന്ന ഗോ​ഡൗ​ണി​ൽ വെ​ള്ളി​യാ​ഴ്ച ന​ട​ത്തി​യ സ​ന്ദ​ർ​ശ​ന​ത്തി​ൽ അ​രി​ച്ചാ​ക്കു​ക​ളു​ടെ ശേ​ഖ​ര​ത്തി​ൽ വ​ൻ കു​റ​വ് ശ്ര​ദ്ധ​യി​ൽ​പെ​ട്ട​തി​നെ​ത്തു​ട​ർ​ന്നാ​ണ് മാ​നേ​ജ​ർ പ​രാ​തി ന​ൽ​കി​യ​ത്. ന​ല്ല അ​രി അ​ടി​ച്ചു​മാ​റ്റി പ​ക​രം ഗു​ണ​നി​ല​വാ​രം കു​റ​ഞ്ഞ​ത് എ​ത്തി​ക്കു​ന്ന ഏ​ർ​പ്പാ​ടു​ള്ള​താ​യാ​ണ് സൂ​ച​ന. പ​ക​രം ലോ​ഡു​ക​ൾ എ​ത്തും മു​മ്പാ​ണ് സ​ന്ദ​ർ​ശ​നം ന​ട​ന്ന​ത്. ദ​ക്ഷി​ണ ക​ന്ന​ട ജി​ല്ല ഡെ​പ്യൂ​ട്ടി ക​മീ​ഷ​ണ​ർ മു​ള്ളൈ മു​ഗി​ള​ൻ, ജി​ല്ല പൊ​ലീ​സ് സൂ​പ്ര​ണ്ട് സി.​ബി. ഋ​ഷ്യ​ന്ത് എ​ന്നി​വ​ർ ഗോ​ഡൗ​ൺ സ​ന്ദ​ർ​ശി​ച്ച് നി​ർ​ദേ​ശ​ങ്ങ​ൾ ന​ൽ​കി. ഡി.​സി ഫു​ഡ് കോ​ർ​പ​റേ​ഷ​ൻ ക​ർ​ണാ​ട​ക അ​ധി​കൃ​ത​രു​മാ​യി പ്ര​ശ്നം ച​ർ​ച്ച ചെ​യ്തു.

കെ.​എ​സ്.​എ​ഫ്.​സി സം​സ്ഥാ​ന അ​ധി​കൃ​ത​രോ​ട് സ്ഥ​ലം സ​ന്ദ​ർ​ശി​ച്ച് വി​ശ​ദാ​ന്വേ​ഷ​ണം ന​ട​ത്താ​ൻ ആ​വ​ശ്യ​പ്പെ​ട്ട​താ​യി ഡി.​സി മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. അ​വ​ർ സ​മ​ർ​പ്പി​ക്കു​ന്ന റി​പ്പോ​ർ​ട്ട് അ​നു​സ​രി​ച്ച് തു​ട​ർ​ന​ട​പ​ടി സ്വീ​ക​രി​ക്കും.