കർണാടകയിൽ 1832 പ്ര​ത്യേ​ക പോ​ളി​ങ് ബൂ​ത്തു​ക​ൾ

ബം​​ഗ​ളൂ​രു: കർണാടക ഏ​പ്രി​ൽ 26ന് ​ന​ട​ക്കു​ന്ന ഒ​ന്നാം ഘ​ട്ട തെ​ര​ഞ്ഞെ​ടു​പ്പി​ലെ 58,834 പോ​ളി​ങ് ബൂ​ത്തു​ക​ളി​ൽ 1832 എ​ണ്ണം പ്ര​ത്യേ​ക പോ​ളി​ങ് ബൂ​ത്തു​ക​ളാ​യി​രി​ക്കു​മെ​ന്ന് മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​ർ മ​നോ​ജ് കു​മാ​ർ മീ​ണ. 5.37 കോ​ടി വോ​ട്ട​ർ​മാ​രാ​ണ് ഇ​ത്ത​വ​ണ പോ​ളി​ങ് ബൂ​ത്തി​ലെ​ത്തു​ക. ഭി​ന്ന​ശേ​ഷി​ക്കാ​ർ, ​ഗോ​ത്ര​വി​ഭാ​​ഗ​ക്കാ​ർ, പു​തു​മു​ഖ വോ​ട്ട​ർ​മാ​ർ, സ്ത്രീ​ക​ൾ തു​ട​ങ്ങി​യ​വ​ർ​ക്ക് വേ​ണ്ടി​യാ​ണ് പ്ര​ത്യേ​ക ബൂ​ത്തു​ക​ൾ സ​മ​ർ​പ്പി​ക്കു​ന്ന​ത്.

സ്ത്രീ ​വോ​ട്ട​ർ​മാ​രെ പ്രോ​ത്സാ​ഹി​പ്പി​ക്കു​ന്ന​തി​നാ​യി ഓ​രോ നി​യോ​ജ​ക മ​ണ്ഡ​ല​ങ്ങ​ളി​ലും അ​ഞ്ച് വീ​തം ശ​ക്തി ബൂ​ത്തു​ക​ളു​ണ്ടാ​വും. ശ​ക്തി ബൂ​ത്തു​ക​ളി​ലെ മു​ഴു​വ​ൻ ഉ​ദ്യോ​​ഗ​സ്ഥ​രും സ്ത്രീ​ക​ളാ​യി​രി​ക്കും. ഒ​ന്ന് വീ​തം എ​ല്ലാ നി​യോ​ജ​ക മ​ണ്ഡ​ല​ങ്ങ​ളി​ലു​മാ​യി ആ​കെ 224 ബൂ​ത്തു​ക​ളാ​ണ് ഭി​ന്ന​ശേ​ഷി​ക്കാ​ർ​ക്കാ​യി സ​മ​ർ​പ്പി​ച്ചി​ട്ടു​ള്ള​ത്. ആ ​ബൂ​ത്തു​ക​ളി​ൽ ഉ​ദ്യോ​​ഗ​സ്ഥ​രെ​ല്ലാം ഭി​ന്ന​ശേ​ഷി​ക്കാ​രാ​യി​രി​ക്കും.

യു​വ വോ​ട്ട​ർ​മാ​ർ​ക്കാ​യി സ​മ​ർ​പ്പി​ച്ചി​ട്ടു​ള്ള 224 ബൂ​ത്തു​ക​ളി​ൽ യു​വ ഉ​ദ്യോ​​ഗ​സ്ഥ​രാ​യി​രി​ക്കും ഉ​ണ്ടാ​വു​ക. ​മൈ​സൂ​രു, ചാ​മ​രാ​ജ്ന​​ഗ​ർ, കു​ട​ക്, ദ​ക്ഷി​ണ ക​ന്ന​ട, ഉ​ഡു​പ്പി, ചി​ക്ക​മ​​ഗ​ളൂ​രു, ഹാ​സ​ൻ, ശി​വ​മൊ​ഗ്ഗ തു​ട​ങ്ങി​യ സ്ഥ​ല​ങ്ങ​ളി​ൽ ​ഗോ​ത്ര സം​സ്കാ​രം പ്ര​തി​ഫ​ലി​പ്പി​ക്കു​ന്ന ട്രൈ​ബ​ൽ പോ​ളി​ങ് ബൂ​ത്തു​ക​ളു​ണ്ടാ​കും. ഓ​രോ നി​യോ​ജ​ക മ​ണ്ഡ​ല​ങ്ങ​ളി​ലും ഒ​രു ബൂ​ത്ത് ആ ​നാ​ടി​ന്‍റെ സം​സ്കാ​ര​ത്തെ പ്ര​തി​ഫ​ലി​പ്പി​ക്കു​ന്ന​താ​യി​രി​ക്കു​മെ​ന്നും മ​നോ​ജ് കു​മാ​ർ മീ​ണ പ​റ​ഞ്ഞു.