ഒരു നല്ല റോഡ്​ പോലുമില്ലാതെ വിത്തുകാട്​; വോട്ട് ബഹിഷ്കരണത്തിന്‌ കുടുംബങ്ങൾ

മേ​പ്പാ​ടി: വി​ത്തു​കാ​ട് ഭൂ​സ​മ​രം 12 വ​ർ​ഷം പി​ന്നി​ട്ടി​ട്ടും ഇ​വി​ടെ ക​ഴി​യു​ന്ന കു​ടും​ബ​ങ്ങ​ൾ​ക്ക് അ​ടി​സ്ഥാ​ന സൗ​ക​ര്യ​ങ്ങ​ൾ ഇ​ന്നും വി​ദൂ​ര സ്വ​പ്നം. 2008 ജ​നു​വ​രി 24നാ​ണ് ദേ​ശീ​യ ശ്ര​ദ്ധ​യാ​ക​ർ​ഷി​ച്ച ഭൂ​സ​മ​ര​ത്തി​ന് തു​ട​ക്ക​മാ​കു​ന്ന​ത്. ഭൂ​മി​ക്കു​വേ​ണ്ടി​യു​ള്ള സ​മ​രം വ്യാ​ഴ​വ​ട്ടം പി​ന്നി​ട്ടി​ട്ടും വീ​ട്, റോ​ഡ്, കു​ടി​വെ​ള്ളം എ​ന്നീ അ​ടി​സ്ഥാ​ന സൗ​ക​ര്യ​ങ്ങ​ൾ ഇ​വ​ർ​ക്ക് ഇ​ന്നും അ​ന്യ​മാ​ണ്. ഷെ​ഡു​ക​ളാ​ണെ​ങ്കി​ലും സ്ഥി​ര​മാ​യ വീ​ട്ടു​ന​മ്പ​ർ പോ​ലും ല​ഭി​ച്ചി​ട്ടി​ല്ല. നി​ര​വ​ധി സ​മ​ര​ങ്ങ​ൾ​ക്ക് ശേ​ഷ​മാ​ണ് താ​ൽ​ക്കാ​ലി​ക ന​മ്പ​ർ ല​ഭി​ച്ച​ത്. കു​റേ കു​ടും​ബ​ങ്ങ​ളി​ൽ വൈ​ദ്യു​തി എ​ത്തി​യെ​ന്നു മാ​ത്രം.

സി.​പി.​ഐ -എം.​എ​ൽ നേ​തൃ​ത്വ​ത്തി​ലാ​ണ് സ​മ​രം ന​ട​ന്ന​തെ​ങ്കി​ലും ഇ​വി​ട​ത്തെ കു​ടും​ബ​ങ്ങ​ളി​ലെ പ​ല​രു​ടെ​യും രാ​ഷ്​​ട്രീ​യാ​ഭി​മു​ഖ്യം പ​ല​പ്പോ​ഴാ​യി മാ​റി. ചി​ല​ർ സി.​പി.​ഐ-​എം.​എ​ൽ വി​ട്ട് പ​ഴ​യ ജ​ന​താ​ദ​ളി​ലും പി​ന്നീ​ട് സി.​പി.​എ​മ്മി​ലും കോ​ൺ​ഗ്ര​സി​ലും ചേ​ർ​ന്നു. ഗ്രാ​മ​പ​ഞ്ചാ​യ​ത്ത് ഭ​ര​ണ​വും സം​സ്ഥാ​ന ഭ​ര​ണ​വും എ​ല്ലാം മാ​റി​മാ​റി വ​ന്നു. സ്ഥി​ര​മാ​യ വീ​ട്ടു​ന​മ്പ​റോ ഭൂ​മി​ക്ക് സ്ഥി​ര​മാ​യ കൈ​വ​ശ രേ​ഖ​യോ ഒ​ന്നും ഇ​നി​യും ഈ ​കു​ടും​ബ​ങ്ങ​ൾ​ക്ക് ല​ഭി​ച്ചി​ട്ടി​ല്ല.  വി​ക​സ​ന​വും വ​ഴി​മു​ട്ടി നി​ൽ​ക്കു​ന്നു.

കു​ടും​ബ​ങ്ങ​ൾ ഏ​റി​യ പ​ങ്കും ചെ​റ്റ​ക്കു​ടി​ലു​ക​ളി​ലാ​ണ്​ ക​ഴി​യു​ന്ന​ത്.  നാ​ട്ടു​കാ​ർ ത​ന്നെ വെ​ട്ടി​യു​ണ്ടാ​ക്കി​യ മ​ൺ​റോ​ഡു​ക​ൾ മാ​ത്ര​മാ​ണ്​ ആ​ശ്ര​യം. മ​ഴ​ക്കാ​ല​ത്ത്​ ച​ളി​നി​റ​ഞ്ഞ് ഒ​രു​വാ​ഹ​നം പോ​ലും വ​രി​ല്ല. നി​ര​വ​ധി ആ​ദി​വാ​സി കു​ടും​ബ​ങ്ങ​ൾ ഇ​വി​ടെ​യു​ണ്ട്. വി​ദ്യാ​ർ​ഥി​ക​ളു​മു​ണ്ട്.

ചി​ല സ​ന്ന​ദ്ധ സം​ഘ​ട​ന​ക​ൾ മു​ൻ​കൈ​യെ​ടു​ത്ത് ചെ​റി​യ ഒ​ന്നു​ര​ണ്ട് കു​ടി​വെ​ള്ള പ​ദ്ധ​തി​ക​ൾ ന​ട​പ്പാ​ക്കി​യ​തൊ​ഴി​ച്ചാ​ൽ മ​റ്റൊ​രു വി​ക​സ​ന​വും ഇ​വി​ടേ​ക്കെ​ത്തി​യി​ല്ല. ന​ല്ല ക​ക്കൂ​സു​ക​ളി​ല്ല. ജീ​വി​തം ദു​രി​ത​പൂ​ർ​ണ​മാ​യി തു​ട​രു​ന്നു. പ​ഞ്ചാ​യ​ത്ത്, ക​ല​ക്ട​ർ, എം.​എ​ൽ.​എ എ​ന്നി​വ​ർ​ക്കെ​ല്ലാം നി​വേ​ദ​ന​ങ്ങ​ൾ ന​ൽ​കി​യെ​ങ്കി​ലും കാ​ര്യ​ങ്ങ​ൾ​ക്ക് വ​ലി​യ മാ​റ്റ​മി​ല്ല.

ഈ ​സാ​ഹ​ച​ര്യ​ത്തി​ലാ​ണ് ഇ​വി​ട​ത്തെ 150ഓ​ളം കു​ടും​ബ​ങ്ങ​ളി​ലു​ള്ള​വ​ർ വ​രു​ന്ന പ​ഞ്ചാ​യ​ത്ത്, അ​സം​ബ്ലി തെ​ര​ഞ്ഞെ​ടു​പ്പു​ക​ളി​ൽ വോ​ട്ട് ബ​ഹി​ഷ്ക​രി​ക്കാ​നൊ​രു​ങ്ങു​ന്ന​ത്. കു​ടും​ബ​ങ്ങ​ൾ യോ​ഗം ചേ​ർ​ന്നാ​ണ് വോ​ട്ട് ബ​ഹി​ഷ്ക​രി​ക്കാ​ൻ തീ​രു​മാ​നി​ച്ച​ത്.