എൻ.ജി.ഒ യൂനിയൻ വിശദീകരണ യോഗം

കൽപറ്റ: വിവിധ ആവശ്യങ്ങൾ ഉന്നയിച്ച് കേരള എൻ.ജി.ഒ യൂനിയൻ നേതൃത്വത്തിൽ സംസ്ഥാന ജീവനക്കാർ ഇൗ മാസം 12ന് ജില്ല-മേഖല കേന്ദ്രങ്ങളിൽ നടത്തുന്ന മാർച്ചി​െൻറയും ധർണയുടെയും പ്രചാരണാർഥം ജില്ലയിൽ വിവിധ കേന്ദ്രങ്ങളിൽ വിശദീകരണ യോഗങ്ങൾ നടന്നു. വൈത്തിരി, കൽപറ്റ ടൗൺ, സിവിൽ സ്റ്റേഷൻ, മുട്ടിൽ എന്നീ കേന്ദ്രങ്ങളിൽ നടന്ന യോഗങ്ങളിൽ യൂനിയൻ സംസ്ഥാന വൈസ് പ്രസിഡൻറ് സുജാത കൂടത്തിങ്കലും, മാനന്തവാടി താലൂക്ക്, പനമരം, മീനങ്ങാടി, ബത്തേരി മിനി സിവിൽ സ്റ്റേഷൻ എന്നിവിടങ്ങളിൽ ചേർന്ന യോഗങ്ങളിൽ സംസ്ഥാന സെക്രട്ടേറിയറ്റ് അംഗം ടി.പി. ഉഷയും സംസാരിച്ചു. യൂനിയൻ സംസ്ഥാന കമ്മിറ്റി അംഗം പി.വി. ഏലിയാമ്മ, ജില്ല പ്രസിഡൻറ് കെ. ആനന്ദൻ, സെക്രട്ടറി ടി.കെ. അബ്ദുൽ ഗഫൂർ എന്നിവർ സംബന്ധിച്ചു. ഏരിയ ഭാരവാഹികളായ വി.പി. സുബ്രഹ്മണ്യൻ, എൻ.ആർ. മഹേഷ്, വി.ജെ. ജോയി, സി.ആർ. ശ്രീനിവാസൻ തുടങ്ങിയവർ നേതൃത്വം നൽകി.