ന​വീ​ക​രി​ച്ച​പ്പോ​ൾ ഉ​ള്ള​തും പോ​യി: പൂ​ർ​ണ​മാ​യും ത​ക​ർ​ന്ന് വെ​ള്ള​മു​ണ്ട സ്കൂ​ൾ മൈ​താ​നം

വെ​ള്ള​മു​ണ്ട: ഏ​റെ വി​വാ​ദ​മു​ണ്ടാ​ക്കി​യ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്കൊ​ടു​വി​ൽ ഉ​ണ്ടാ​യി​രു​ന്ന​തും ന​ഷ്​​ട​പ്പെ​ട്ട അ​വ​സ്​​ഥ​യി​ലാ​ണ്​ വെ​ള്ള​മു​ണ്ട സ്കൂ​ൾ മൈ​താ​നം. ക​ഴി​ഞ്ഞ​വ​ർ​ഷം വേ​ന​ൽ​ക്കാ​ല​ത്താ​ണ് വെ​ള്ള​മു​ണ്ട ഹൈ​സ്കൂ​ൾ ഗ്രൗ​ണ്ട് മ​ണ്ണി​ട്ടു​യ​ർ​ത്തി ന​വീ​ക​രി​ച്ച​ത്. മൈ​താ​ന​ത്തി​ന് ചു​റ്റു​മ​തി​ൽ കെ​ട്ടാ​തെ മ​ണ്ണ് ത​ള്ളി​യ​തി​നെ​തി​രെ അ​ന്നു​ത​ന്നെ വ്യാ​പ​ക​മാ​യ പ്ര​തി​ഷേ​ധം ഉ​യ​ർ​ന്നി​രു​ന്നു. ക​ഴി​ഞ്ഞ​വ​ർ​ഷ​ത്തെ മ​ഴ​യി​ൽ സ​മീ​പ​ത്തെ റോ​ഡി​ലേ​ക്ക് ഗ്രൗ​ണ്ടി​ലെ മെ​ണ്ണാ​ലി​ച്ചി​റ​ങ്ങി​യ​തോ​ടെ സ​ർ​വ​ക​ക്ഷി​യു​ടെ നേ​തൃ​ത്വ​ത്തി​ൽ ആ​ക്​​ഷ​ൻ ക​മ്മി​റ്റി ഉ​ണ്ടാ​ക്കി പ്ര​തി​ഷേ​ധ പ​രി​പാ​ടി​ക​ൾ സം​ഘ​ടി​പ്പി​ക്കു​ക​യും ബ​ന്ധ​പ്പെ​ട്ട​വ​ർ​ക്ക് പ​രാ​തി ന​ൽ​കു​ക​യും ചെ​യ്​​തി​രു​ന്നു. പ​രാ​തി​യു​ടെ അ​ടി​സ്ഥാ​ന​ത്തി​ൽ പ്ര​ദേ​ശം സ​ന്ദ​ർ​ശി​ച്ച ജി​ല്ല പ​ഞ്ചാ​യ​ത്ത് പ്ര​സി​ഡ​ൻ​റ്​ അ​ട​ക്ക​മു​ള്ള​വ​ർ സ്കൂ​ൾ മൈ​താ​നം സം​ര​ക്ഷി​ക്കു​മെ​ന്ന് നാ​ട്ടു​കാ​ർ​ക്ക് ഉ​റ​പ്പു​ന​ൽ​കി​യി​രു​ന്നെ​ങ്കി​ലും ഒ​രു വ​ർ​ഷം പൂ​ർ​ത്തി​യാ​യി​ട്ടും ന​ട​പ​ടി​യൊ​ന്നു​മു​ണ്ടാ​യി​ല്ല. മ​ഴ​വെ​ള്ള​ത്തി​ൽ മ​ണ്ണ് ഒ​ലി​ച്ചു​പോ​യ​തി​നാ​ൽ വ​ലി​യ ചാ​ലു​ക​ളും കു​ഴി​ക​ളും രൂ​പ​പ്പെ​ട്ട് ഗ്രൗ​ണ്ടി​​െൻറ ന​ല്ലൊ​രു ഭാ​ഗ​വും ഉ​പ​യോ​ഗ​ശൂ​ന്യ​മാ​യി. ഈ ​കു​ഴി​ക​ളി​ൽ കാ​ടു​കൂ​ടി വ​ള​ർ​ന്ന​തോ​ടെ സ്വ​ത​ന്ത്ര​മാ​യി ന​ട​ക്കാ​ൻ​കൂ​ടി സാ​ധ്യ​മ​ല്ലാ​ത്ത അ​വ​സ്ഥ​യാ​ണ്. മാ​ന​ന്ത​വാ​ടി താ​ലൂ​ക്കി​ലെ ഏ​റ്റ​വും വ​ലി​യ ര​ണ്ടാ​മ​ത്തെ മൈ​താ​ന​മാ​ണി​ത്. ജി​ല്ല​ത​ല ക​ലാ-​കാ​യി​ക മ​ത്സ​ര​ങ്ങ​ൾ​ക്ക് വേ​ദി​യൊ​രു​ക്കി​യി​രു​ന്ന മൈ​താ​നം സ്വ​കാ​ര്യ​വ്യ​ക്തി​യു​ടെ മ​ണ്ണ് ത​ള്ളാ​നാ​യി ഉ​പ​യോ​ഗി​ക്കു​ക​യാ​യി​രു​ന്നു. സ്കൂ​ൾ മൈ​താ​ന ന​വീ​ക​ര​ണ​ത്തി​​െൻറ മ​റ​വി​ൽ അ​ന​ധി​കൃ​ത​മാ​യി കു​ന്നി​ടി​ക്കു​ക​യാ​യി​രു​ന്നെ​ന്ന് നാ​ട്ടു​കാ​ർ പ​റ​യു​ന്നു. സ്കൂ​ൾ അ​ധി​കൃ​ത​രും സ്വ​കാ​ര്യ​വ്യ​ക്തി​യും ത​മ്മി​ലു​ണ്ടാ​ക്കി​യ ക​രാ​റി​ൽ മ​ണ്ണ് ത​ള്ളി​യ​തി​നു​ശേ​ഷം ഗ്രൗ​ണ്ടി​​െൻറ സു​ര​ക്ഷ ഉ​റ​പ്പാ​ക്കു​മെ​ന്ന ക​രാ​റു​ണ്ടാ​യി​രു​ന്നു​വെ​ങ്കി​ലും പാ​ലി​ക്ക​പ്പെ​ട്ടി​ല്ല​ത്രെ. വെ​ള്ള​മു​ണ്ട​യി​ലെ കാ​യി​ക​പ്രേ​മി​ക​ളു​ടെ സ്വ​പ്ന​മാ​യി​രു​ന്ന മൈ​താ​നം ക​ഴി​ഞ്ഞ ഒ​രു വ​ർ​ഷ​ത്തി​ല​ധി​ക​മാ​യി പൂ​ർ​ണ​മാ​യും ഉ​പ​യോ​ഗി​ക്കാ​ൻ ക​ഴി​യാ​തെ ന​ശി​ക്കു​മ്പോ​ഴും അ​ധി​കൃ​ത​ർ ഉ​റ​ക്ക​ത്തി​ലാ​ണ്. മ​ഴ തു​ട​ങ്ങു​ന്ന​തോ​ടെ മ​ണ്ണ് ഒ​ലി​ച്ചി​റ​ങ്ങി ഇ​ത്ത​വ​ണ​യും സ​മീ​പ​ത്തെ റോ​ഡ് ച​ളി​ക്കു​ള​മാ​വും. ഇ​ത് വി​ദ്യാ​ർ​ഥി​ക​ള​ട​ക്ക​മു​ള​ള പ്ര​ദേ​ശ​ത്തെ നൂ​റു​ക​ണ​ക്കി​ന് ക​ളി​ക്കാ​രെ​യും ദു​രി​ത​ത്തി​ലാ​ക്കും.