ജി​ല്ല ആ​ശു​പ​ത്രി പ്ര​സ​വ​വാ​ർ​ഡി​ന് മു​ന്നി​ൽ മ​ലി​ന​ജ​ലം കെ​ട്ടി​ക്കി​ട​ക്കു​ന്നു

മാ​ന​ന്ത​വാ​ടി: പാ​വ​പ്പെ​ട്ട രോ​ഗി​ക​ൾ ഏ​റെ ആ​ശ്ര​യി​ക്കു​ന്ന ജി​ല്ല ആ​ശു​പ​ത്രി പ്ര​സ​വ​വാ​ർ​ഡി​ന് മു​ന്നി​ൽ ദി​വ​സ​ങ്ങ​ളാ​യി മ​ലി​ന​ജ​ലം പ​ര​ന്ന് ഒ​ഴു​കു​ന്നു. പ്ര​ദേ​ശം ദു​ർ​ഗ​ന്ധ​പൂ​രി​ത​മാ​യ​തോ​ടെ കി​ട​പ്പു രോ​ഗി​ക​ളും കൂ​ട്ടി​രി​പ്പു​കാ​രും സ​ന്ദ​ർ​ശ​ക​രും ദു​രി​തം പേ​റു​ക​യാ​ണ്​. എ​ന്നി​ട്ടും അ​ധി​കൃ​ത​ർ ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന് ആ​രോ​പ​ണം. നി​ര​വ​ധി​പേ​രെ പ്ര​വേ​ശി​പ്പി​ച്ചി​രി​ക്കു​ന്ന പ്ര​സ​വ​വാ​ർ​ഡി​ൽ നി​ന്നു​ള്ള മ​ലി​ന​ജ​ല​മാ​ണ് പൈ​പ്പ് പൊ​ട്ടി ഒ​ഴു​കു​ന്ന​ത്. ഈ ​ജ​ലം കു​ഴി​ക​ളി​ൽ കെ​ട്ടി​ക്കി​ട​ക്കു​ന്ന​ത് കൊ​തു​ക് പെ​രു​കു​ന്ന​തി​നും ഗു​രു​ത​ര ആ​രോ​ഗ്യ പ്ര​ശ്ന​ങ്ങ​ൾ​ക്കും ഇ​ട​യാ​ക്കും. മ​ലി​ന​ജ​ല​ത്തി​ൽ​നി​ന്നും ദു​ർ​ഗ​ന്ധം വ​മി​ക്കു​ന്ന​ത് വാ​ർ​ഡി​ൽ പ്ര​വേ​ശി​പ്പി​ച്ച​വ​ർ​ക്കും കൂ​ട്ടി​രി​പ്പു​കാ​ർ​ക്കും ഏ​റെ ബു​ദ്ധി​മു​ട്ടു​ക​ൾ സൃ​ഷ്​​ടി​ക്കു​ക​യാ​ണ്. നി​ത്യേ​ന നി​ര​വ​ധി​പേ​ർ ക​ട​ന്നു​പോ​കു​ന്ന വ​ഴി​യി​ലാ​ണ് മ​ലി​ന​ജ​ലം നി​ർ​ബാ​ധം ഒ​ഴു​കി​ക്കൊ​ണ്ടി​രി​ക്കു​ന്ന​ത്. പ​ല​രും വ​ള​രെ സാ​ഹ​സി​ക​മാ​യാ​ണ് മാ​ലി​ന്യം ക​ല​ർ​ന്ന വെ​ള്ളം ച​വി​ട്ടാ​തെ വാ​ർ​ഡി​ലെ​ത്തു​ന്ന​തും തി​രി​കെ പോ​കു​ന്ന​തും. വാ​ർ​ഡി​നു​ള്ളി​ലെ സ്ഥി​തി​യും ദ​യ​നീ​യ​മാ​ണ്. കൈ​ക​ഴു​കാ​നും പാ​ത്ര​ങ്ങ​ൾ ക​ഴു​കാ​നു​മു​ള്ള സ്ഥ​ല​ത്തും വെ​ള്ളം പു​റ​ത്തേ​െ​ക്കാ​ഴു​കാ​തെ കെ​ട്ടി​ക്കി​ട​ക്കു​ക​യാ​ണ്. പൈ​പ്പ് പൊ​ട്ടി മ​ലി​ന​ജ​ലം വാ​ർ​ഡി​ന് മു​ന്നി​ലൂ​ടെ ഒ​ഴു​കാ​ൻ തു​ട​ങ്ങി​യി​ട്ട് ദി​വ​സ​ങ്ങ​ളാ​യി​ട്ടും ആ​ശു​പ​ത്രി അ​ധി​കൃ​ത​ർ ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന് നാ​ട്ടു​കാ​ർ പ​റ​ഞ്ഞു.