വ​ന്യ​ജീ​വി സ​ങ്കേ​ത​ത്തി​ലേ​ക്ക് ബ​സ് വാ​ങ്ങാ​നാ​കാ​തെ വ​നം വ​കു​പ്പ്

സു​ല്‍ത്താ​ന്‍ ബ​ത്തേ​രി: വ​യ​നാ​ട് വ​ന്യ​ജീ​വീ സ​ങ്കേ​ത​ത്തി​ല്‍ വി​നോ​ദ സ​ഞ്ചാ​രി​ക​ള്‍ക്കാ​യി പു​തി​യ ബ​സു​ക​ള്‍ ഏ​ര്‍പ്പെ​ടു​ത്തു​ന്ന​ത് അ​നി​ശ്ചി​ത്വ​ത്തി​ല്‍. നി​ല​വി​ല്‍ വ​ന​ത്തി​നു​ള്ളി​ല്‍ സ​ര്‍വി​സ് ന​ട​ത്തു​ന്ന ജീ​പ്പ് ഡ്രൈ​വ​ര്‍മാ​രു​ടെ എ​തി​ര്‍പ്പു​മൂ​ല​മാ​ണ് ഏ​റ്റ​വും സൗ​ക​ര്യ​പ്ര​ദ​മാ​യ ബ​സു​ക​ള്‍ എ​ത്തി​ക്കാ​ന്‍ സാ​ധി​ക്കാ​ത്ത​ത്. തോ​ല്‍പ്പെ​ട്ടി, മു​ത്ത​ങ്ങ എ​ന്നി​വി​ട​ങ്ങ​ളി​ലാ​ണ് വ​ന​ത്തി​നു​ള്ളി​ലേ​ക്ക് വി​നോ​ദ സ​ഞ്ചാ​രി​ക​ള്‍ക്ക് പ്ര​വേ​ശ​ന​മു​ള്ള​ത്. മു​ത്ത​ങ്ങ​യി​ല്‍ 22ഉം ​തോ​ല്‍പ്പെ​ട്ടി​യി​ല്‍ 23ഉം ​ജീ​പ്പു​ക​ള്‍ സ​ര്‍വി​സ് ന​ട​ത്തു​ന്നു​ണ്ട്. ഇ​രു സ്ഥ​ല​ങ്ങ​ളി​ലും 60 ട്രി​പ്പു​ക​ള്‍ മാ​ത്ര​മേ വ​ന​ത്തി​ലേ​ക്ക് ക​ട​ത്തി​വി​ടാ​റു​ള്ളൂ. അ​തി​നാ​ല്‍, ഒ​രു​ദി​വ​സം പ​ര​മാ​വ​ധി 500 പേ​ര്‍ക്കെ വ​ന​ത്തി​നു​ള്ളി​ല്‍ പ്ര​വേ​ശി​ക്കാ​ന്‍ സാ​ധി​ക്കൂ. ചി​ല ദി​വ​സ​ങ്ങ​ളി​ല്‍ ഇ​രു​പ​തി​നാ​യി​ര​ത്തോ​ളം സ​ഞ്ചാ​രി​ക​ള്‍ ഇ​രു കേ​ന്ദ്ര​ങ്ങ​ളി​ലു​മാ​യി എ​ത്താ​റു​ണ്ട്. ഭൂ​രി​ഭാ​ഗം ആ​ളു​ക​ളും കാ​ട്​ കാ​ണാ​ന്‍ക​ഴി​യാ​തെ മ​ട​ങ്ങി​പ്പോ​കു​ക​യാ​ണ് പ​തി​വ്. സ​ര്‍വി​സ് ന​ട​ത്തു​ന്ന ജീ​പ്പു​ക​ള്‍ പ​ഴ​യ​താ​യ​തി​നാ​ല്‍ മ​ലി​നീ​ക​ര​ണം വ​ള​രെ കൂ​ടു​ത​ലാ​ണ്. തു​ട​ര്‍ച്ച​യാ​യി ജീ​പ്പു​ക​ള്‍ ക​ട​ന്നു​പോ​കു​ന്ന​ത് വ​ന്യ​മൃ​ഗ​ങ്ങ​ളു​ടെ സ്വൈ​ര​വി​ഹാ​ര​ത്തെ ബാ​ധി​ക്കു​ന്നു​മു​ണ്ട്. പ്ര​വേ​ശ​ന ടി​ക്ക​റ്റ് കൂ​ടാ​തെ 600 രൂ​പ ജീ​പ്പ് വാ​ട​ക​യും ന​ല്‍ക​ണം. ഒ​രാ​ള്‍ക്ക് ത​നി​ച്ച് വേ​ണ​മെ​ങ്കി​ലും ഒ​രു ജീ​പ്പ് വി​ളി​ച്ച് വ​ന​ത്തി​ല്‍ പോ​കാ​ന്‍ സാ​ധി​ക്കും. ഇ​തി​നാ​ല്‍ വ​ള​രെ കു​റ​ച്ച് ആ​ളു​ക​ള്‍ക്ക് മാ​ത്ര​മേ വ​ന​ത്തി​ല്‍ പ്ര​വേ​ശി​ക്കാ​ന്‍ സാ​ധി​ക്കൂ. അ​തേ​സ​മ​യം, പു​തു​താ​യി വ​നം വ​കു​പ്പ് വാ​ങ്ങാ​ന്‍ ഉ​ദ്ദേ​ശി​ക്കു​ന്ന ബ​സു​ക​ള്‍ മ​ലി​നീ​ക​ര​ണം തീ​രെ ഇ​ല്ലാ​ത്ത​താ​ണ്. ഒ​രു ബ​സി​ല്‍ ഇ​രു​പ​ത്ത​ഞ്ചോ​ളം പേ​ര്‍ക്ക് യാ​ത്ര​ചെ​യ്യാ​ന്‍ സാ​ധി​ക്കും. ര​ണ്ട് ബ​സു​ക​ളാ​ണ് മു​ത്ത​ങ്ങ​യി​ല്‍ വാ​ങ്ങാ​ന്‍ ഉ​ദ്ദേ​ശി​ക്കു​ന്ന​ത്. ഇ​രു ബ​സു​ക​ളി​ലു​മാ​യി ഒ​രേ സ​മ​യം 50 പേ​ര്‍ക്ക് കാ​ട്ടി​നു​ള്ളി​ല്‍ പ്ര​വേ​ശി​ക്കാ​ന്‍ സാ​ധി​ക്കും. എ​ന്നാ​ല്‍, ര​ണ്ട് ജീ​പ്പു​ക​ള്‍ സ​ര്‍വി​സ് ന​ട​ത്തി​യാ​ല്‍ പ​ര​മാ​വ​ധി 10 പേ​ര്‍ക്കാ​ണ് കാ​ട് കാ​ണാ​നാ​കു​ക. ര​ണ്ട് ബ​സ് ക​ട​ന്നു പോ​കു​മ്പോ​ഴു​ണ്ടാ​കു​ന്ന​തി​നെ​ക്കാ​ള്‍ മ​ലി​നീ​ക​ര​ണ​വു​മു​ണ്ടാ​ക്കു​ന്നു. ബ​സു​ക​ള്‍ വാ​ങ്ങു​ന്ന​തി​നാ​യി 2009ല്‍ത​ന്നെ പ​ണം നീ​ക്കി​വെ​ച്ചെ​ങ്കി​ലും എ​തി​ര്‍പ്പു​മൂ​ലം ഇ​തു​വ​രെ വാ​ങ്ങാ​നാ​യി​ല്ല. ര​ണ്ടു ത​വ​ണ ടെ​ൻ​ഡ​ര്‍ വി​ളി​ക്കു​ക​യും ബ​സ് ന​ല്‍കാ​ന്‍ ക​മ്പ​നി​ക​ള്‍ ത​യാ​റാ​കു​ക​യും ചെ​യ്തു. രാ​ഷ്​​​ട്രീ​യ ഇ​ട​പെ​ട​ലി​നെ തു​ട​ര്‍ന്ന് ടെ​ൻ​ഡ​ര്‍ ന​ട​ക്കാ​തെ പോ​യി. 20 പേ​രാ​ണ് മു​ത്ത​ങ്ങ​യി​ല്‍ ജീ​പ്പ് സ​ര്‍വി​സ് ന​ട​ത്തു​ന്ന​ത്. ഇ​തി​ല്‍ ആ​റു പേ​ര്‍ക്ക് ബ​സു​ക​ളി​ൽ ജോ​ലി ന​ല്‍കാ​ന്‍ വ​നം​വ​കു​പ്പ് ത​യാ​റാ​ണ്. ബാ​ക്കി 14 പേ​രു​ടെ കാ​ര്യ​ത്തി​ല്‍ തീ​രു​മാ​ന​മാ​കാ​ത്ത​തി​നാ​ലാ​ണ് പ​ദ്ധ​തി ന​ട​പ്പാ​ക്കാ​ന്‍ സാ​ധി​ക്കാ​ത്ത​ത്. ഇ​ര​വി​കു​ളം, ബ​ന്ദി​പ്പൂ​ര്‍, സൈ​ല​ൻ​റ് വാ​ലി, പ​റ​മ്പി​ക്കു​ളം എ​ന്നി​വി​ട​ങ്ങ​ളി​ലെ​ല്ലാം ഇ​ത്ത​രം ബ​സു​ക​ളി​ലാ​ണ് ആ​ളു​ക​ള്‍ക്ക് വ​ന​സ​ഞ്ചാ​രം സാ​ധ്യ​മാ​ക്കു​ന്ന​ത്. ബ​സ് സ​ര്‍വി​സ് ന​ട​ത്താ​ന്‍ സാ​ധി​ച്ചാ​ല്‍ കൂ​ടു​ത​ല്‍ സ​ഞ്ചാ​രി​ക​ള്‍ക്ക് വ​ന​ത്തി​ല്‍ പ്ര​വേ​ശി​ക്കാ​നും മ​ലി​നീ​ക​ര​ണം കു​റ​ക്കാ​നും വ​ന്യ​മൃ​ഗ​ങ്ങ​ളു​ടെ സ്വൈ​ര​വി​ഹാ​ര​ത്തി​ന് ക്ഷ​ത​മേ​ൽ​പി​ക്കാ​തി​രി​ക്കാ​നും സാ​ധി​ക്കും.