അ​ന്യാ​യ സ​ർ​വി​സ്​ ചാ​ർ​ജ്​: ബാ​ങ്കു​ക​ൾ​െ​ക്ക​തി​രെ പ്ര​തി​ഷേ​ധം

കൽപറ്റ: ബാങ്കുകളുടെ അന്യായ സർവിസ് ചാർജ് ഇൗടാക്കലിനെതിരെ പ്രതിഷേധം ഉയരുന്നു. വിഷു, ഈസ്റ്റർ തുടങ്ങിയ വിശേഷദിവസങ്ങൾ അടുത്തിട്ടും ജില്ലയിലെ എ.ടി.എമ്മുകളിൽ പണമില്ലാത്തതിലും ഇടപാടുകാരിൽനിന്ന് അമിത സർവിസ് ചാർജ് വാങ്ങുന്നതിലും പ്രതിഷേധിച്ച് യൂത്ത് കോൺഗ്രസ് മണ്ഡലം കമ്മിറ്റി മാർച്ച് നടത്തി. മണ്ഡലം കോൺഗ്രസ് കമ്മിറ്റി പ്രസിഡൻറ് കെ.കെ. രാജേന്ദ്രൻ ഉദ്ഘാടനം ചെയ്തു. യൂത്ത് കോൺഗ്രസ് മണ്ഡലം പ്രസിഡൻറ് സാലി റാട്ടക്കൊല്ലി അധ്യക്ഷത വഹിച്ചു. സിറാജുദ്ദീൻ, പ്രകാശൻ, ഡിേൻറാ ജോസ്, ബി. സുവിത്ത്, ജിജേഷ് രാജു, സോനു, സലീം കാരാടൻ തുടങ്ങിയവർ നേതൃത്വം നൽകി. കൽപറ്റ: ജനകീയ ബാങ്കിങ് സംവിധാനം തിരിച്ചുകൊണ്ടു വരുക സർവിസ് ചാർജിെൻറ പേരിൽ ഉപഭോക്താക്കളെ കൊള്ളയടിക്കുന്ന എസ്.ബി.ഐ സമീപനം തിരുത്തുക, ബാങ്കുകളിലൂടെയും എ.ടി.എമ്മുകളിലൂടെയും ആവശ്യത്തിന് കറൻസി നൽകുക, ബാങ്കിങ് സ്വകാര്യവത്കരണം ഉപേക്ഷിക്കുക തുടങ്ങിയ മുദ്രവാക്യങ്ങൾ ഉന്നയിച്ച് ഡി.വൈ.എഫ്.ഐ കൽപറ്റ എസ്.ബി.ഐലേക്ക് മാർച്ചും ധർണയും നടത്തി. ജില്ല ജോയിൻറ് സെക്രട്ടറി വി. ഹാരിസ് ഉദ്ഘാടനം ചെയ്തു. കെ.പി. ഹമീദ്, സാബു, കെ. ഗിരീഷ് എന്നിവർ നേതൃത്വം നൽകി. പു ൽപള്ളി: ബാങ്കിടപാടുകാരിൽനിന്ന് മുഴുവൻ സേവനങ്ങൾക്കും സർവിസ് ചാർജ് ഈടാക്കുന്നതിൽ പ്രതിഷേധിച്ച് ഡി.വൈ.എഫ്.ഐ പുൽപള്ളി ബ്ലോക്ക് കമ്മിറ്റി നേതൃത്വത്തിൽ എസ്.ബി.ഐ കാപ്പിസെറ്റ് ബ്രാഞ്ചിലേക്ക് മാർച്ചും ധർണയും നടത്തി. ധർണ സമരം ബ്ലോക്ക് സെക്രട്ടറി പി.എ. മുഹമ്മദ് ഉദ്ഘാടനം ചെയ്തു. സി.ഡി. അജീഷ് അധ്യക്ഷത വഹിച്ചു. അജിത് ഗോപാൽ, കെ.ആർ. അനീഷ്, ബൈജു നമ്പിക്കൊല്ലി തുടങ്ങിയവർ സംസാരിച്ചു. കൽപറ്റ: മൂന്നു ദിവസമായി പരിപൂർണമായി േനാട്ടുവിതരണം നിലക്കുകയും പൊതുജനങ്ങളെ ബുദ്ധിമുട്ടിലാക്കുകയും ചെയ്ത സാഹചര്യത്തിൽ കർഷക കോൺഗ്രസ് എസ്.ബി.ഐ ബാങ്ക് തുറക്കാൻ അനുവദിക്കാതെ ഉപരോധിച്ചു. കർഷക കോൺഗ്രസ് ജില്ല പ്രസിഡൻറ് അഡ്വ. ജോഷി സിറിയക് ഉദ്ഘാടനം ചെയ്തു. ജോസ് കാരനിരപ്പിൽ, ഷാജി കുന്നത്ത്, ജോസ് കെ. മാത്യു, ഒ.വി. ജോർജ്, റോയി, ബാബു പന്നിക്കുഴി, എം.പി. മനോജ്, എം.ജെ. ബാബു, ജോസ് ജേക്കബ്, ജോസഫ് വൈത്തിരി, ടി.കെ. തോമസ്, എം.പി. മജീദ്, എം.പി. വിനോദ്, എ.കെ. രാമചന്ദ്രൻ, സതീശൻ തുടങ്ങിയവർ സമരത്തിന് നേതൃത്വം നൽകി.