കെ.എസ്.ആര്‍.ടി.സി ജീവനക്കാരുടെ സമരം ശക്തം

മാനന്തവാടി: ആറാം ദിവസവും ശമ്പളം ലഭിക്കാത്തതില്‍ പ്രതിഷേധിച്ച് മാനന്തവാടി ഡിപ്പോയിലെ ടി.ഡി.എഫ് ജീവനക്കാരുടെ സമരം മൂന്നാം ദിവസത്തിലേക്ക് കടന്നു. ഇതോടെ സമരത്തിന് പിന്തുണ പ്രഖ്യാപിച്ച് കൂടുതല്‍ യൂനിയനുകള്‍ സമരരംഗത്തത്തെി. മാസത്തെ അവസാനദിനം ലഭിക്കേണ്ട ശമ്പളം വൈകിയതിനെ തുടര്‍ന്നാണ് ടി.ഡി.എഫിന്‍െറ നേതൃത്വത്തില്‍ ജീവനക്കാര്‍ മൂന്നാം തീയതി മുതല്‍ ഡിപ്പോക്ക് മുന്നില്‍ കുത്തിയിരിപ്പ് സമരം ആരംഭിച്ചത്. ഭരണകക്ഷിയില്‍പെട്ട എ.ഐ.ടി.യു.സി, പ്രതിപക്ഷ യൂനിയനുകളില്‍പെട്ട എസ്.ടി.യു, ബി.എം.എസ് തൊഴിലാളികളും ബുധനാഴ്ച മുതല്‍ സമരരംഗത്തത്തെി. സമരത്തെ തുടര്‍ന്ന് ചുരുക്കം ചില ഷെഡ്യൂളുകളും റദ്ദ് ചെയ്യപ്പെട്ടു. ശമ്പളം ഇനിയും ലഭിച്ചില്ളെങ്കില്‍ സര്‍വിസ് നിര്‍ത്തിവെച്ച് സമരം ശക്തമാക്കുമെന്ന് നേതാക്കള്‍ പറഞ്ഞു. ഇതേ ആവശ്യമുന്നയിച്ച് കല്‍പറ്റ ഡിപ്പോയിലും ജിവനക്കാര്‍ സമരത്തിലാണ്. ശമ്പളം ഇനിയും വൈകിയാല്‍ സി.ഐ.ടി.യുവും സമരരംഗത്ത് എത്തുമെന്നാണ് സൂചന.