എന്‍ജിനീയറിങ് കോളജിലെ പീഡനം: രണ്ടുപേര്‍ അറസ്റ്റില്‍

മാനന്തവാടി: വയനാട് ഗവ. എന്‍ജിനീയറിങ് കോളജിലെ ദലിത് പെണ്‍കുട്ടിയെ പീഡിപ്പിച്ച കേസില്‍ രണ്ടു സഹപാഠികള്‍ അറസ്റ്റില്‍. കോഴിക്കോട് കോട്ടൂളി പാറക്ക അഖില്‍ (21), മലപ്പുറം അമരമ്പലം എ.ആര്‍. രോഹിത് (21) എന്നിവരാണ് അറസ്റ്റിലായത്. കേസിലെ ഒന്നാം പ്രതി കൊല്ലം സ്വദേശി അജില്‍ കൃഷ്ണ ഒളിവിലാണ്. തലപ്പുഴ പൊലീസ് രജിസ്റ്റര്‍ ചെയ്ത കേസിന്‍െറ തുടരന്വേഷണം മാനന്തവാടി എസ്.എം.എസ് ഡിവൈ.എസ്.പിക്ക് കൈമാറിയിരുന്നു. എസ്.എം.എസ് ഡിവൈ.എസ്.പിയുടെ ചുമതല വഹിക്കുന്ന ഡിവൈ.എസ്.പി ജി. ജയദേവിനാണ് അന്വേഷണ ചുമതല. കല്‍പറ്റ അഡീഷനല്‍ ഡിസ്ട്രിക്ട് കോടതിയില്‍ ഹാജരാക്കിയ ഇരുവരെയും റിമാന്‍ഡ് ചെയ്തു.