യു.ഡി.എഫ് പ്രവര്‍ത്തകരെ കൈയേറ്റം ചെയ്തെന്ന്

മാനന്തവാടി: മാനന്തവാടി മണ്ഡലത്തില്‍ യു.ഡി.എഫ് പ്രവര്‍ത്തകരെ കൈയേറ്റം ചെയ്തതായി ആരോപണം. മാനന്തവാടിയില്‍ മന്ത്രിയുടെ വാഹനമോടിച്ച പിലാക്കാവ് സ്വദേശി സലീമിനെ (37) എല്‍.ഡി.എഫ് പ്രവര്‍ത്തകര്‍ കൈയേറ്റം ചെയ്തതായാണ് ആരോപണമുയര്‍ന്നത്. റോഡ് ഷോക്കിടെ കാട്ടിക്കുളത്ത് മന്ത്രിയുടെ വാഹനത്തിനുനേരെ എല്‍.ഡി.എഫ് പ്രവര്‍ത്തകര്‍ ആക്രമണം നടത്തിയതായും പൊലീസില്‍ പരാതി നല്‍കിയിട്ടുണ്ടെന്ന് യു.ഡി.എഫ് നേതാക്കള്‍ അറിയിച്ചു.ലീഗ് പ്രവര്‍ത്തകരും പേരിയ സ്വദേശികളുമായ ജുബൈര്‍ (23), ഇസ്മായില്‍ (26), നാസര്‍ (30), ഫായിസ് (23), അഞ്ചുകുന്ന് സ്വദേശി മുതിരന്‍ നിസാര്‍ (31), മന്ത്രി സഞ്ചരിച്ച വാഹനമോടിച്ച വെള്ളമുണ്ട പുതുപ്പള്ളില്‍ അനൂപ് (25) എന്നിവരെ കൈയേറ്റം ചെയ്തതായും ഫ്ളക്സുകള്‍ നശിപ്പിച്ചതായുമാണ് ആരോപണം.