ബത്തേരി താലൂക്ക് ആശുപത്രി ഗൈനക്കോളജി ഐ.പി വിഭാഗം നിര്‍ത്തിവെച്ചു

സുല്‍ത്താന്‍ ബത്തേരി: താലൂക്ക് ആശുപത്രിയിലത്തെുന്ന ഗര്‍ഭിണികള്‍ക്ക് ദുരിതമൊഴിയുന്നില്ല. ഡോക്ടറില്ലാത്തതിനത്തെുടര്‍ന്ന് ഗര്‍ഭിണികളെ അഡ്മിറ്റ് ചെയ്യുന്നത് നിര്‍ത്തിവെച്ചിരിക്കുകയാണ്. രണ്ടാഴ്ചയായി ഇവിടെ ഡോക്ടറില്ലാതായിട്ട്. തുടര്‍ന്ന് കഴിഞ്ഞ ചൊവ്വാഴ്ചയാണ് താല്‍ക്കാലികമായി ഒരു ഡോക്ടറെ നിയമിച്ചത്. ഐ.പി വിഭാഗം പ്രവര്‍ത്തിപ്പിക്കണമെങ്കില്‍ സീനിയര്‍ കണ്‍സള്‍ട്ടന്‍റ് ആവശ്യമാണ്. എന്നാല്‍, പുതുതായി നിയമിച്ച ആള്‍ ജൂനിയര്‍ കണ്‍സള്‍ട്ടന്‍റാണ്. ഇതിനാലാണ് ഐ.പി വിഭാഗം നിര്‍ത്തിവെച്ചത്. താലൂക്ക് ആശുപത്രിയില്‍ വന്ന് ചികിത്സ തേടാമെന്നല്ലാതെ പ്രസവസമയത്ത് മറ്റ് ആശുപത്രികളെ ആശ്രയിക്കേണ്ട സ്ഥിതിയാണ്. താലൂക്ക് ആശുപത്രിയില്‍നിന്ന് ചികിത്സ തേടിയ നിരവധി ഗര്‍ഭിണികള്‍ക്ക് കഴിഞ്ഞ ആഴ്ച ഡോക്ടറില്ലാത്തതിനത്തെുടര്‍ന്ന് സ്വകാര്യ ആശുപത്രികളില്‍ പ്രസവം നടത്തേണ്ടി വന്നു. പുല്‍പള്ളി, മീനങ്ങാടി, ബത്തേരി, ചേരമ്പാടി, പാട്ടവയല്‍, എരുമാട് എന്നിവിടങ്ങളില്‍ നിന്നെല്ലാം ആളുകള്‍ ആശ്രയിക്കുന്നത് ബത്തേരി താലൂക്ക് ആശുപത്രിയെയാണ്. ആദിവാസികളും സാധാരണക്കാരുമാണ് ആശുപത്രിയില്‍ എത്തുന്നത്. വ്യാഴാഴ്ച എണ്‍പതോളം ഗര്‍ഭിണികളാണ് ചികിത്സ തേടിയത്തെിയത്. അമ്പതോളം കിടക്കകള്‍ പ്രസവ വാര്‍ഡിലുണ്ട്. നിലവില്‍ നാല് അമ്മയും കുഞ്ഞുമാണ് വാര്‍ഡിലുള്ളത്. തമിഴ്നാട്ടില്‍നിന്ന് നിരവധി രോഗികള്‍ എത്താന്‍ തുടങ്ങിയതോടെ അവിടുത്തെ ഡോക്ടറുടെ കത്തുമായി വരണമെന്നും നിര്‍ദേശം നല്‍കിയിരിക്കുകയാണ്. മീനങ്ങാടിയില്‍നിന്ന് മതിയായ ചികിത്സ നല്‍കാന്‍ കഴിയാതെ വരുമ്പോള്‍ ഗര്‍ഭിണികളെ ഇവിടേക്കായിരുന്നു അയച്ചിരുന്നത്. എന്നാല്‍, ബത്തേരിയില്‍ ചികിത്സ ലഭ്യമല്ലാതായതോടെ ഗര്‍ഭിണികള്‍ക്ക് കോഴിക്കോട്ടേക്കും മാനന്തവാടിയിലേക്കും പോവുകയേ നിര്‍വാഹമുള്ളൂ.