കാലവര്‍ഷം: 54.88 ലക്ഷത്തിന്‍െറ വാഴകൃഷി നശിച്ചു

കല്‍പറ്റ: കനത്തമഴയിലും കാറ്റിലും ജില്ലയില്‍ വാഴ കര്‍ഷകര്‍ക്ക് വ്യാപക നാശനഷ്ടം. 225 കര്‍ഷകരുടെ വാഴകളാണ് നശിച്ചത്. വ്യാഴാഴ്ച മാത്രം 54,88,500 രൂപയുടെ വാഴകൃഷി നശിച്ചതായാണ് കണക്കുകള്‍. സുല്‍ത്താന്‍ ബത്തേരി, കോട്ടത്തറ, പൊഴുതന, തിരുനെല്ലി, തൊണ്ടര്‍നാട്, മാനന്തവാടി, വെങ്ങപ്പള്ളി, തവിഞ്ഞാല്‍ കൃഷിഭവനുകളുടെ കീഴിലാണ് കൃഷിനാശം റിപ്പോര്‍ട്ട് ചെയ്തത്. 182 കര്‍ഷകരുടേതായി 54,885 കുലച്ച വാഴയും 43 കര്‍ഷകരുടെയായി 26,750 കുലക്കാത്ത വാഴകളും നശിച്ചു. വെള്ളിയാഴ്ച മഴ കുറവായതിനാല്‍ കാര്യമായ നാശനഷ്ടങ്ങളുണ്ടായിട്ടില്ല.