യുവാവിനെ കടുവ ആക്രമിച്ചു

മാനന്തവാടി: യുവാവിന് കടുവയുടെ ആക്രമണത്തില്‍ പരിക്ക്. ബാവലി തോണിക്കടവ് തുറമ്പൂര്‍ കോളനിയിലെ വെള്ളുവിന്‍െറ മകന്‍ സുധീഷ്(19)നാണ് പരിക്കേറ്റത്. ബുധനാഴ്ച ഉച്ചക്ക് 12 മണിയോടെയാണ് സംഭവം. വീടിന് സമീപത്തെ ബാവലി പുഴയില്‍ കുളിക്കാന്‍ പോകുന്നതിനിടെയായിരുന്നു ആക്രമണം. കൂടെയുള്ളവര്‍ ബഹളം ഉണ്ടാക്കിയതോടെ കടുവ പിന്തിരിഞ്ഞ് പോവുകയായിരുന്നു. കൈക്കും കഴുത്തിനും പരിക്കേറ്റ സുധീഷിനെ ജില്ല ആശുപത്രിയില്‍ പ്രവേശിപ്പിച്ചു. സ്ഥലത്തത്തെിയ വനപാലകരും കൂടെയുണ്ടായിരുന്നവരുമാണ് ആക്രമിച്ചത് കടുവയാണെന്ന് സ്ഥിരീകരിച്ചത്. സംഭവത്തോടെ പ്രദേശവാസികള്‍ ഭീതിയിലായിരിക്കുകയാണ്.