അനധികൃത കെട്ടിടനിര്‍മാണം തടയും– മുട്ടില്‍ പഞ്ചായത്ത്

കല്‍പറ്റ: മുട്ടില്‍ ഗ്രാമപഞ്ചായത്തില്‍ മാനദണ്ഡം മറികടന്നുള്ള വയല്‍നികത്തലും പൊതുസ്ഥലം കൈയേറി അനധികൃതമായി മുന്നേറുന്ന കെട്ടിട നിര്‍മാണവും തടയാന്‍ ഗ്രാമപഞ്ചായത്ത് ഭരണസമിതി തീരുമാനിച്ചു. മുമ്പ് നല്‍കിയ കെട്ടിട അനുമതി സംബന്ധിച്ച് അന്വേഷണം നടത്തും. വീടിനായി അനുമതിവാങ്ങി വ്യാപാരാവശ്യങ്ങള്‍ക്കായി കെട്ടിടങ്ങള്‍ നിര്‍മിക്കുന്നത് പരിശോധിക്കും. പരിസ്ഥിതി സംരക്ഷണത്തിന്‍െറ ഭാഗമായി മൂന്നടി വണ്ണത്തില്‍ താഴെയുള്ള മരങ്ങള്‍ മുറിക്കുന്നത് നിര്‍ത്തലാക്കുന്നതിനുമുള്ള നടപടി സ്വീകരിക്കാനും തീരുമാനിച്ചതായി പ്രസിഡന്‍റ് എ.എം. നജീം അറിയിച്ചു.