ഓണവിളി കാത്ത് പൂപ്പാടങ്ങള്‍

പുല്‍പള്ളി: ഓണനാളുകള്‍ അടുത്തത്തെിയതോടെ ഗുണ്ടല്‍പേട്ടയിലെ പൂപ്പാടങ്ങളില്‍ വിളവെടുപ്പിനായി ഒരുങ്ങിയിരിക്കുന്നത് വൈവിധ്യമാര്‍ന്ന പൂക്കള്‍. സാധാരണ ഏപ്രില്‍ മുതല്‍ ജൂണ്‍ അവസാനം വരെ കര്‍ഷകര്‍ ഉല്‍പാദിപ്പിക്കുന്ന ചെണ്ടുമല്ലിയും മറ്റും പെയിന്‍റ് ആവശ്യങ്ങള്‍ക്കായിരുന്നു കൊണ്ടുപോയിരുന്നത്. എന്നാല്‍, ജൂണ്‍ അവസാനത്തോടെ നട്ടുപിടിപ്പിക്കുന്ന ചെണ്ടുമല്ലി തൈകള്‍ കേരളത്തിലെ ഓണവിപണി ലക്ഷ്യംവെച്ചാണ് ചെയ്യുന്നത്. സാധാരണ പെയിന്‍റ് കമ്പനികള്‍ക്ക് പൂക്കള്‍ നല്‍കുന്നത് കിലോക്ക് നാലു മുതല്‍ ഏഴു രൂപവരേക്കാണെങ്കില്‍ ഓണക്കാലത്ത് കേരളത്തിലേക്ക് പൂക്കള്‍ കൊടുക്കുന്നത് 12 മുതല്‍ 20 രൂപ വരേക്കാണ്. തീമഞ്ഞ നിറത്തിലുള്ള ചെണ്ടുമല്ലി പൂക്കളുടെ വിലയാണിത്. മഞ്ഞ നിറത്തിലുള്ള പൂക്കള്‍ക്ക് 60 മുതല്‍ 80 രൂപ വരെ നല്‍കണം. കേരള വിപണിയില്‍ എത്തുന്നതോടെ വില 150 മുതല്‍ 250 രൂപവരെയാകുന്നു. ജമന്തിയും വാടാമല്ലിയും റോസുമെല്ലാം വിളഞ്ഞ് പാകമായി നില്‍ക്കുകയാണിപ്പോള്‍. ഫോട്ടൊയെടുക്കാനും മറ്റുമായി നിരവധിയാളുകളാണ് എത്തുന്നത്. എത്തുന്നവരില്‍നിന്ന് ചാര്‍ജ് ഈടാക്കാന്‍ പൂക്കള്‍ പറിക്കാതെ ചെടികളില്‍തന്നെ നിര്‍ത്തിയിരിക്കുകയാണ് ഇവര്‍. നോക്കത്തൊദൂരത്ത് പരന്നുകിടക്കുന്ന പൂപ്പാടങ്ങള്‍ ഈ വഴി യാത്രചെയ്യുന്നവര്‍ക്കും ദൃശ്യവിരുന്നാകുന്നു.