ആദ്യദിനം വയനാട്ടില്‍ പത്രികകളില്ല

കല്‍പറ്റ: നിയമസഭാ തെരഞ്ഞെടുപ്പിനുള്ള നാമനിര്‍ദേശ പത്രിക സമര്‍പ്പിക്കാനുള്ള ആദ്യദിനമായ വെള്ളിയാഴ്ച വയനാട് ജില്ലയിലെ കല്‍പറ്റ, സുല്‍ത്താന്‍ ബത്തേരി, മാനന്തവാടി മണ്ഡലങ്ങളില്‍ ആരും പത്രിക സമര്‍പ്പിച്ചില്ല. നിയമസഭാ തെരഞ്ഞെടുപ്പിന്‍െറ വിജ്ഞാപനം വെള്ളിയാഴ്ച പ്രസിദ്ധീകരിച്ചു. നാലാം ശനിയാഴ്ച ബാങ്ക് അവധിയായതിനാല്‍ പത്രിക സ്വീകരിക്കില്ളെന്ന് ജില്ലാ തെരഞ്ഞെടുപ്പ് ഓഫിസറായ കലക്ടര്‍ കേശവേന്ദ്രകുമാര്‍ അറിയിച്ചു. ഞായറാഴ്ചയും പത്രിക സ്വീകരിക്കില്ല. ഏപ്രില്‍ 29 ആണ് അവസാന തീയതി. അതത് മണ്ഡലങ്ങളിലെ റിട്ടേണിങ് ഓഫിസര്‍മാരും അസി. റിട്ടേണിങ് ഓഫിസര്‍മാരും പ്രവൃത്തി ദിവസങ്ങളില്‍ രാവിലെ 11 മുതല്‍ വൈകീട്ട് മൂന്നു വരെയാവും പത്രിക സ്വീകരിക്കുക. സൂക്ഷ്മ പരിശോധന ഏപ്രില്‍ 30നായിരിക്കും. പിന്‍വലിക്കാനുള്ള അവസാന തീയതി മേയ് രണ്ട്.