വരള്‍ച്ച പ്രശ്നം : വി.എസ് ഇന്ന് മുള്ളന്‍കൊല്ലിയില്‍

പുല്‍പള്ളി: മുള്ളന്‍കൊല്ലി പഞ്ചായത്തിലെ വരള്‍ച്ചക്കെടുതി നേരിട്ട് മനസ്സിലാക്കാന്‍ പ്രതിപക്ഷനേതാവ് വി.എസ്. അച്യുതാനന്ദന്‍ വെള്ളിയാഴ്ച്ച ഉച്ചക്ക് രണ്ടിന് മരക്കടവ് ഡിപ്പോ, കബനിഗിരി തുടങ്ങിയ പ്രദേശങ്ങള്‍ സന്ദര്‍ശിക്കും. കര്‍ണാടകയോട് ചേര്‍ന്നുകിടക്കുന്നതും കബനി നദീതീരത്തോട് ചേര്‍ന്നുള്ളതുമായ മരക്കടവ് ഡിപ്പോ, കബനിഗിരി, കൊളവള്ളി പ്രദേശങ്ങളിലാണ് രൂക്ഷമായ വരള്‍ച്ചയും കൃഷിനാശവും സംഭവിച്ചിരിക്കുന്നത്. കാപ്പി, കുരുമുളക്, നെല്‍വയലുകള്‍ എന്നിവ പൂര്‍ണമായും വരള്‍ച്ചയില്‍ നശിച്ചു.