എല്ലാ ഭൂരഹിതര്‍ക്കും ഭൂമി നല്‍കണം –ഭൂസംരക്ഷണ സമര സമിതി

കല്‍പറ്റ: വയനാട്ടിലെ എല്ലാ ഭൂരഹിതര്‍ക്കും ഭൂമി നല്‍കണമെന്ന് വയനാട് ഭൂസംരക്ഷണ സമരസമിതി യോഗം ആവശ്യപ്പെട്ടു. വയനാട് ഭൂസംരക്ഷണ സമര സമിതി കല്‍പറ്റയില്‍ സംഘടിപ്പിച്ച സമുദായ സംഘടനാ നേതൃയോഗം ഹിന്ദു ഐക്യവേദി സംസ്ഥാന ജനറല്‍ സെക്രട്ടറി കെ.പി. ഹരിദാസ് ഉദ്ഘാടനം ചെയ്തു. വയനാട്ടില്‍ മാത്രം 10,000ത്തിലധികം ഭൂരഹിതര്‍ ഭൂമിക്കായി സര്‍ക്കാറിന്‍െറ മുന്നില്‍ അപേക്ഷ നല്‍കി കാത്തിരിക്കുമ്പോള്‍ സംഘടിത മതന്യൂനപക്ഷങ്ങള്‍ക്ക് ഭൂമി സൗജന്യമായി പതിച്ചുനല്‍കുന്ന നയമാണ് സര്‍ക്കാര്‍ നടത്തുന്നതെന്ന് അദ്ദേഹം പറഞ്ഞു. കയറിക്കിടക്കാന്‍ കൂരയില്ലാത്തവരുടെയും മരിച്ചാല്‍ മറവുചെയ്യാന്‍ നിവൃത്തിയില്ലാത്തവരുടെയും കൃഷിചെയ്യാന്‍ സാധ്യമല്ലാത്തവരുടെയും വിഷമങ്ങള്‍ സര്‍ക്കാര്‍ കണ്ടില്ളെന്ന് നടിക്കരുതെന്നും അദ്ദേഹം പറഞ്ഞു. ഭൂമിയില്ലാത്തവരുടെ പേരുവിവരങ്ങള്‍ പ്രസിദ്ധീകരിക്കാനും ഭൂരഹിതരുടെ പഞ്ചായത്തുതല കൂട്ടായ്മകള്‍ സംഘടിപ്പിക്കും. ഡിസംബറില്‍ ദേശീയനേതാക്കളെ പങ്കെടുപ്പിച്ച് സെമിനാറും നടത്തും. എം.എം. ദാമോദരന്‍ മാസ്റ്റര്‍ അധ്യക്ഷത വഹിച്ചു. എസ്. രാമനുണ്ണി വിഷയാവതരണം നടത്തി. കെ.ജി. സുരേഷ്, ടി. സുബ്ബറാവു, ടി.എസ്. നാരായണന്‍ എന്നിവര്‍ സംസാരിച്ചു. ഭൂസംരക്ഷണ സമരസമിതി ചെയര്‍മാന്‍ പി.ആര്‍. വിജയന്‍, എന്‍.കെ. രാജു, കെ.ബി. സുരേഷ്, ‘പീപ്’ ഡയറക്ടര്‍ ഇ.കെ. സോമന്‍, വാസുദേവന്‍ ചീക്കല്ലൂര്‍, കെ. മോഹന്‍ദാസ്, കണ്ണിവട്ടം കേശവന്‍ചെട്ടി, പി.സി. മോഹനന്‍ മാസ്റ്റര്‍, സി.കെ. ബാലകൃഷ്ണന്‍, വി. നാരായണന്‍, ടി.വി. രാഘവന്‍, അഡ്വ. സുരേഷ് ബാബു, എന്‍.പി. പത്മനാഭന്‍ തുടങ്ങിയവര്‍ സംബന്ധിച്ചു.