വൈദ്യുതിവേലിയില്‍ പിടിച്ച ആദിവാസിക്ക് പൊള്ളലേറ്റു

ഗൂഡല്ലൂര്‍: മണ്‍വയലിലെ സ്വകാര്യവ്യക്തിയുടെ പറമ്പില്‍ വന്യമൃഗശല്യത്തിന് സ്ഥാപിച്ച വൈദ്യുതി വേലിയില്‍നിന്ന് ഷോക്കേറ്റ് കൈകള്‍ക്ക് പൊള്ളലേല്‍ക്കാനിടയായ സംഭവത്തില്‍ ചികിത്സക്ക് സഹായിക്കാന്‍ ഉടമ തയാറായില്ളെന്ന് പരാതി. അനധികൃതമായിട്ടാണ് വൈദ്യുതിവേലി സ്ഥാപിച്ചതെന്നും ഇയാള്‍ക്കെതിരെ നടപടിയെടുക്കണമെന്നുമാണ് മണ്‍വയല്‍ കരിക്കനക്കൊല്ലി കോളനിയിലെ ആദിവാസി യുവാവ് ബാലന്‍(32) ഗൂഡല്ലൂര്‍ ഡിവൈ.എസ്.പിക്ക് നല്‍കിയ പരാതിയില്‍ പറയുന്നത്. സെപ്റ്റംബര്‍ അഞ്ചിന് വൈകീട്ട് നാലുമണിക്കാണ് സംഭവം. പറമ്പില്‍ വിറക് ശേഖരിക്കുമ്പോഴാണ് ബാലന് ഷോക്കേറ്റത്. ഷോക്കേറ്റ ഉടന്‍ ബാലന്‍െറ ഭാര്യ കുഞ്ചി ഉടമയെ വിവരമറിയിച്ചതിനെ തുടര്‍ന്ന് വൈദ്യുതി ബന്ധം വിച്ഛേദിച്ചു. അപ്പോഴേക്കും കൈകള്‍ക്ക് പൊള്ളലേറ്റിരുന്നു. ഉടമ തന്നെ ഗൂഡല്ലൂരിലെ ആദിവാസി ആശുപത്രിയില്‍ കൊണ്ടുപോയെങ്കിലും ചികിത്സക്കായി ഒന്നും ചെയ്തില്ളെന്ന് യുവാവ് പരാതിയില്‍ പറയുന്നു. പൊലീസ് കേസാവേണ്ട വിഷയമായതിനാല്‍ പ്രഥമ ചികിത്സക്കുശേഷം ആശുപത്രിയില്‍നിന്ന് തന്നെ കോയമ്പത്തൂര്‍ മെഡിക്കല്‍ കോളജിലേക്ക് റഫര്‍ ചെയ്യുകയായിരുന്നു. എന്നാല്‍, അങ്ങോട്ട് പോവാന്‍ പണമില്ലാതെ താന്‍ കഷ്ടപ്പെട്ടെന്നും ഉടമയുടെ ഭാഗത്തുനിന്ന് സഹായമൊന്നുമുണ്ടായില്ളെന്നുമാണ് ബാലന്‍ പറയുന്നത്. ഇപ്പോള്‍ കൈകള്‍ വ്രണമായി മാറിയിട്ടുണ്ട്. അതേസമയം, ഉടമ കുറച്ചുപണം നല്‍കിയതായി പറയുന്നുണ്ടെങ്കിലും ബാലനും ഭാര്യയും ഇക്കാര്യം നിഷേധിക്കുകയാണ്. ഗൂഡല്ലൂര്‍ പൊലീസ് സംഭവത്തെക്കുറിച്ച് അന്വേഷണം ആരംഭിച്ചു.