പൊതുസ്ഥലത്തെ മദ്യപാനം ചോദ്യം ചെയ്ത എക്സൈസ് ഉദ്യോഗസ്ഥര്ക്ക് മര്ദനം
text_fieldsകല്പറ്റ: പൊതുസ്ഥലത്തെ മദ്യപാനം ചോദ്യം ചെയ്ത എക്സൈസ് ഉദ്യോഗസ്ഥര്ക്ക് മദ്യപരുടെ മര്ദനം. സംഭവത്തില് രണ്ട് പേരെ അറസ്റ്റ് ചെയ്തു.
പരിക്കേറ്റ ഉദ്യോഗസ്ഥര് ചികിത്സയിലാണ്. കല്പറ്റ എക്സൈസ് റേഞ്ച് ഓഫിസിലെ സിവില് എക്സൈസ് ഓഫിസര്മാരായ സുജിത് കെ. വിജയന്, റോബിന് ജോണ്സണ് എന്നിവര്ക്കാണ് മര്ദനമേറ്റത്.
ബുധനാഴ്ച ഉച്ചക്ക് 2.30ഓടെയായിരുന്നു സംഭവം. സംഭവത്തില് കല്പറ്റ എരഞ്ഞിവയല് എം.കെ. ഹൗസില് ഹാഷിം, പുത്തൂര്വയല് ചേമഞ്ചേരി വീട്ടില് ഷാജഹാന് എന്നിവരെ വൈത്തിരി പൊലീസ് അറസ്റ്റ് ചെയ്തു. വൈത്തിരി പൊലീസ് സ്റ്റേഷന് സമീപത്തുവെച്ചാണ് ഷാജഹാനും ഹാഷിമും മദ്യപിച്ചത്.
പൊതുസ്ഥലത്തെ മദ്യപാനം കണ്ടത്തെുന്നതിനായി മഫ്ത്തിയില് റോന്ത് ചുറ്റുന്നതിനിടെയാണ് ഇരുവരും പരസ്യമായി മദ്യപിക്കുന്നത് എക്സൈസ് ഉദ്യോഗസ്ഥര് കണ്ടത്. ഇത് ചോദ്യം ചെയ്തപ്പോള് ഇരുവരും ചേര്ന്ന് മര്ദിക്കുകയായിരുന്നുവെന്ന് വൈത്തിരി താലൂക്ക് ആശുപത്രിയില് ചികിത്സയില് കഴിയുന്ന സുജിത്തും റോബിനും പറഞ്ഞു. പ്രതികളെ കല്പറ്റ സി.ജെ.എം കോടതിയില് ഹാജരാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.