ചെന്നൈ പ്രളയബാധിതര്‍ക്ക് സഹായപ്രവാഹം

ഗൂഡല്ലൂര്‍: ചെന്നൈയില്‍ പ്രളയത്തില്‍പെട്ടവര്‍ക്ക് ജനങ്ങളുടെയും സ്ഥാപനങ്ങളുടെയും സഹായവര്‍ഷം. ഗൂഡല്ലൂര്‍ നഗരസഭാ വൈസ് ചെയര്‍മാനും എ.ഐ.എ.ഡി.എം.കെ കമ്മിറ്റി സെക്രട്ടറിയുമായ രാജാതങ്കവേലുവിന്‍െറ നേതൃത്വത്തില്‍ സമാഹരിച്ച 60,000 രൂപ തഹസില്‍ദാര്‍ അബ്ദുറഹ്മാന് കൈമാറി. തമിഴ്ത്താഴ് നര്‍പണി മന്‍ട്രം പ്രവര്‍ത്തകരും ധനസമാഹരണത്തില്‍ പങ്കാളികളായി. ഗൂഡല്ലൂര്‍ റവന്യൂവകുപ്പിലെ ഉദ്യോഗസ്ഥര്‍ 25,000 രൂപയുടെ ഡിമാന്‍ഡ് ഡ്രാഫ്റ്റും തഹസില്‍ദാര്‍ക്ക് കൈമാറി. ഡെപ്യൂട്ടി തഹസില്‍ദാര്‍ വിനോദ്കുമാര്‍, റവന്യൂ ഇന്‍സ്പെക്ടര്‍ അഡ്വ. ഗനിസുന്ദരം എന്നിവര്‍ പങ്കെടുത്തു. ഗൂഡല്ലൂര്‍: ചെന്നൈയിലെ പ്രളയബാധിതര്‍ക്ക് തോട്ടംതൊഴിലാളികളുടെ ഒരു കൈസഹായം. ഇവരുടെ ഒരു ദിവസത്തെ കൂലിയാണ് ദുരിതാശ്വാസ നിധിയിലേക്ക് നല്‍കുക. ജില്ലയിലെ ഐ.എന്‍.ടി.യു.സി തൊഴിലാളികളുടെ ഒരു ദിവസത്തെ കൂലി നല്‍കാനും തീരുമാനമായി. ഐ.എന്‍.ടി.യു.സി യോഗത്തില്‍ സംസ്ഥാന വൈസ് പ്രസിഡന്‍റ് കെ.പി. മുഹമ്മദ്ഹാജി അധ്യക്ഷത വഹിച്ചു. ജില്ലാ ജനറല്‍ സെക്രട്ടറി എസ്. ബാലന്‍, ടി.കെ. ഖാലിദ്, രാമകൃഷ്ണന്‍ എന്നിവര്‍ പങ്കെടുത്തു.