ഇനി 'കാഷ്​ലെസ്​ യ​ാത്ര': കെ.എസ്​.ആർ.ടി.സിയിൽ ഡിജിറ്റൽ ട്രാവൽ കാർഡ്​

തിരുവനന്തപുരം: കോവിഡിൻെറ പശ്ചാത്തലത്തിൽ നോട്ടുപയോഗം കുറക്കുന്നതിന് കെ.എസ്.ആർ.ടി.സി ബസുകളിൽ റീചാർജ് ചെയ്ത് ഉപയോഗിക്കാവുന്ന ട്രാവൽ കാർഡുകൾ ഏർപ്പെടുത്തുന്നു. ഡിജിറ്റൽ പണമിടപാടിന് സാധിക്കുന്ന കാർഡുകളാണ് ഏർപ്പെടുത്തുന്നത്. സംവിധാനത്തിൻെറ പരീക്ഷണാടിസ്ഥാനത്തിലുള്ള ഉദ്ഘാടനം ചൊവ്വാഴ്ച ഉച്ചക്ക് 3.30ന് മന്ത്രി എ.കെ. ശശീന്ദ്രൻ നിർവഹിക്കും. തിരുവനന്തപുരത്തെ സർക്കാർ ജീവനക്കാർക്കായുള്ള (സെക്രേട്ടറിയറ്റ്) ബസുകളിലാണ് 'കാഷ്ലെസ് യാത്ര' പരീക്ഷണാടിസ്ഥാനത്തിൽ തുടങ്ങുന്നത്. പരീക്ഷണം വിജയമായാൽ എല്ലാ കെ.എസ്.ആർ.ടി.സി ബസുകളിലും നടപ്പിൽ വരുത്തുമെന്ന് സി.എം.ഡി അറിയിച്ചു.