ഫേസ്ബുക്ക് പോസ്​റ്റ്​: കെ.എസ്​. ശബരീനാഥൻ ഡി.ജി.പിക്ക് പരാതി നൽകി

തിരുവനന്തപുരം: ബാബരി മസ്ജിദ് തകർക്കുന്ന ചിത്രത്തോടൊപ്പം തൻെറ മുഖം ഫോട്ടോഷോപ് ചെയ്ത് ഉപയോഗിച്ചതിനെതിരെ കെ.എസ്. ശബരീനാഥൻ എം.എൽ.എ സംസ്ഥാന പൊലീസ് മേധാവിക്ക് പരാതി നൽകി. ആർ.ജെ. സലീം എന്നയാൾക്കെതിരെയാണ് പരാതി. തിങ്കളാഴ്ച ഫേസ്ബുക്കിൽ പോസ്റ്റ് ചെയ്ത ചിത്രത്തിൽ തൻെറ മുഖം ഫോട്ടോഷോപ് ചെയ്ത് ഉപയോഗിച്ചത് ദുരുദ്ദേശ്യപരവും മതസ്പർധ വളർത്തുക എന്ന ലക്ഷ്യത്തോടെയാണെന്നും പരാതിയിൽ പറയുന്നു. പോസ്റ്റിൻെറ ലിങ്കും സ്ക്രീൻ ഷോട്ടും പരാതിക്കൊപ്പം കൈമാറി.