Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightകായലിൽ കാർ

കായലിൽ കാർ മുങ്ങിത്താണു

text_fields
bookmark_border
കോവളം: വെള്ളയാണി കാർഷിക കോളജിനു സമീപത്ത് കാക്കാമൂല ഭാഗത്ത് നിർത്തിയിട്ടിരുന്ന കാർ വെള്ളായണി കായലിൽ മുങ്ങിത്താണു. ബുധനാഴ്ച രാവിലെ ഒമ്പതോടെയാണ് സംഭവം. ഹോമിയോ കോളജിലെ ഡോ. രാജേന്ദ്രൻെറ കാറാണ് അപകടത്തിൽപെട്ടത്. കായലിനുസമീപം വാഹനം നിർത്തിയശേഷം മത്സ്യം വാങ്ങാനെത്തിയതായിരുന്നു രാജേന്ദ്രൻ. ഇറങ്ങിപ്പോയ ശേഷമാണ് കാർ തനിയെ ഉരുണ്ടുനീങ്ങി കായലിൽ താഴ്ന്നത്. കാറിലും പുറത്തും മറ്റാരും ഇല്ലാതിരുന്നതുകൊണ്ട് മറ്റ് അനിഷ്ടസംഭവങ്ങൾ ഉണ്ടായില്ല. സംഭവം നടന്ന ഉടനെ വിഴിഞ്ഞത്തുനിന്ന് അഗ്നിരക്ഷാസേനയെത്തി രണ്ടു മണിക്കൂർ നേരത്തെ പരിശ്രമത്തിനൊടുവിൽ ക്രെയിൻ ഉപയോഗിച്ച് കാർ കരക്കെത്തിച്ചു. അസിസ്റ്റൻറ് സ്റ്റേഷൻ ഓഫിസർ ടി.കെ. രവീന്ദ്രൻ, സീനിയർ ഫയർ ആൻഡ് റെസ്‌ക്യൂ ഓഫിസർ രാജശേഖരൻ നായർ, ഫയർ ആൻഡ് റെസ്‌ക്യൂ ഓഫിസർ അഭിലാഷ്, സജീഷ് ജോൺ, മോഹനൻ, ഡ്രൈവർ ബിജിൽ, ഹോം ഗാർഡ് ഗോപകുമാർ, സുനിൽ എന്നിവരാണ് കാർ കരക്കെത്തിച്ചത്. നേമം പൊലീസ് സ്ഥലത്തെത്തിയിരുന്നു.
Show Full Article
TAGS:LOCAL NEWS 
Next Story