ഇഞ്ചിവിള ചെക്​പോസ്​റ്റിലൂടെ 230 പേരെത്തി

തിരുവനന്തപുരം: ഇഞ്ചിവിള ചെക്പോസ്റ്റിലൂടെ ഞായറാഴ്ച എത്തിയത് 230 പേര്‍. ഇതില്‍ 121 പുരുഷന്മാരും 109 സ്ത്രീകളും ഉള്‍പ്പെടും. തമിഴ്‌നാട്ടില്‍നിന്ന് 194 പേരും കര്‍ണാടകയില്‍നിന്ന് 27 പേരും തെലങ്കാനയില്‍നിന്ന് ഏഴ് മഹാരാഷ്ട്രയില്‍നിന്ന് രണ്ട് പേരുമാണ് എത്തിയത്. റെഡ് സോണിലുള്ളവര്‍ 110. ഇതില്‍ 107 പേരെ വീട്ടില്‍ നിരീക്ഷണത്തിനയച്ചു. വീട്ടില്‍ സൗകര്യമില്ലെന്ന് അറിയിച്ചതിനെ തുടര്‍ന്ന് 2 പേരെ മാര്‍ ഇവാനിയോസിലെ നിരീക്ഷണ കേന്ദ്രത്തിലും ഒരാളെ ആശുപത്രിയിലേക്കും മാറ്റി. തിരുവനന്തപുരം -193, കൊല്ലം -ഏഴ്, ആലപ്പുഴ -അഞ്ച്, കോട്ടയം -ആറ്, ഇടുക്കി -ഒന്ന്, എറണാകുളം -15, കോഴിക്കോട് -ഒന്ന്, കാസർകോട് -രണ്ട് എന്നിങ്ങനെയാണ് ജില്ല തിരിച്ചുള്ളവരുടെ എണ്ണം.