100 ലിറ്റർ കോട കണ്ടെത്തി

വട്ടിയൂർക്കാവ്: പുരയിടത്തിൽ കുഴിച്ചിട്ടിരുന്ന 100 ലിറ്റർ കോട വട്ടിയൂർക്കാവ് പൊലീസ് കണ്ടെത്തി. നെട്ടയം മലമുകളിലെ ഒഴിഞ്ഞ പുരയിടത്തിൽനിന്ന് ഞായറാഴ്ച ഉച്ചയോടെയാണ് പൊലീസ് കോട കണ്ടെത്തിയത്. നാലു കന്നാസുകളിലായാണ് കോട കുഴിച്ചിട്ടിരുന്നത്. പൊലീസിന് ലഭിച്ച രഹസ്യവിവരത്തെത്തുടർന്നാണ് സ്ഥലത്തെത്തി പൊലീസ് പരിശോധന നടത്തിയത്. കന്നാസുകളിൽ കുഴിച്ചിട്ട നിലയിലായിരുന്നു കോട. കാച്ചാണി സ്വദേശിനിയുടേതാണ് പുരയിടമെന്നും സംഭവത്തിൽ കേസെടുത്തതായും വട്ടിയൂർക്കാവ് പൊലീസ് പറഞ്ഞു. സർക്കിൾ ഇൻസ്പെക്ടർ എ.എസ്. ശാന്തകുമാർ, എസ്.ഐ. അനിൽകുമാർ, എ.എസ്.ഐമാരായ സുനിൽകുമാർ, സാജു എന്നിവർ റെയ്ഡിന് നേതൃത്വം നൽകി. ചിത്രം : IMG-20200510-WA0171 മലമുകൾ പ്രദേശത്തെ പുരയിടത്തിൽനിന്ന് വട്ടിയൂർക്കാവ് പൊലീസ് കണ്ടെത്തിയ കോട