മാസ്ക് വിതരണവും ബോധവത്കരണവും

കിളിമാനൂർ: മലയാമഠം കടമ്പാട്ടുകോണം റെസിഡൻസ് അസോസിയേഷൻ പരിധിയിൽ അംഗങ്ങൾക്ക് മാസ്ക് വിതരണ ഉദ്ഘാടനം പ്രസിഡൻറ് കെ. സുകുമാരപിള്ള നിർവഹിച്ചു. കൊറോണ രോഗത്തെ സംബന്ധിച്ച് ബോധവത്കരണവും നടത്തി. മാസ്ക് വിതരണം ചെയ്തു കിളിമാനൂർ: കോവിഡ്-19 പ്രതിരോധ പ്രവർത്തനങ്ങളുടെ ഭാഗമായി കിളിമാനൂർ റൂറൽ കോഓപറേറ്റിവ് സൊസൈറ്റി (നമ്പർ. ടി.1865) സഹകാരികൾക്ക് മാസ്ക്, സോപ്പ് എന്നിവ വിതരണം ചെയ്തു. ഉദ്ഘാടനം സംഘം പ്രസിഡൻറ് ജി. ഹരികൃഷ്ണൻ നായർ നിർവഹിച്ചു. ഭരണസമിതി അംഗങ്ങളായ എം. സുഗുണൻ ആശാരി, ആർ. മോഹനൻ നായർ, കെ. സരസ്വതി അമ്മ, എം. സാഹിന, എ. ഉഷാകുമാരി, സംഘം സെക്രട്ടറി എസ്. ദീപ എന്നിവർ പങ്കെടുത്തു.