സൗജന്യ മരുന്നുകൾ സ്​റ്റോക്കുണ്ടെന്ന് ആർ.സി.സി ഉറപ്പാക്കണം -മനുഷ്യാവകാശ കമീഷൻ

തിരുവനന്തപുരം: രോഗികൾക്ക് സൗജന്യമായി ലഭിക്കേണ്ട മരുന്നുകൾ ഫാർമസിയിൽ സ്റ്റോക്കുണ്ടെന്ന് റീജ്യനൽ കാൻസർ സൻെറർ അധികൃതർ ഉറപ്പാക്കണമെന്ന് സംസ്ഥാന മനുഷ്യാവകാശ കമീഷൻ. രക്താർബുദ രോഗികൾക്ക് സൗജന്യമായി ലഭിക്കേണ്ട ചില മരുന്നുകൾ കിട്ടുന്നില്ലെന്നാരോപിച്ച് സമർപ്പിച്ച പരാതിയിലാണ് കമീഷൻ അധ്യക്ഷൻ ജസ്റ്റിസ് ആൻറണി ഡൊമിനിക്കിൻെറ ഉത്തരവ്. മരുന്നുകൾക്ക് ലഭ്യതക്കുറവുണ്ടായ സാഹചര്യത്തിൽ മെഡിക്കൽ സർവിസസ് കോർപറേഷൻെറ അനുമതിയോടെ ലോക്കൽ പർച്ചേസ് നടത്തിയതായി ആർ.സി.സി ഡയറക്ടർ സമർപ്പിച്ച വിശദീകരണത്തിൽ പറയുന്നു. കോർപറേഷൻ തന്നെ മരുന്നുകൾ ലഭ്യമാക്കി. ആർ.സി.സിയിൽ എയർ കണ്ടീഷണറുകളുടെയും ശുചിമുറികളുടെയും പോരായ്മകൾ പരാതിക്കിടനൽകാത്ത വിധം പരിഹരിക്കണമെന്നും കമീഷൻ ആവശ്യപ്പെട്ടു.