കാട്ടാക്കട

: സി.പി.എം ഊരൂട്ടമ്പലം ലോക്കൽ കമ്മിറ്റിയുടെ നേതൃത്വത്തിൽ നടപ്പാക്കുന്ന 'എല്ലാ വീട്ടിലും മാസ്ക്, എല്ലാവർക്കും മാസ്ക്' പദ്ധതി ഉദ്ഘാടനം ശാന്തിപുരം കോളനിയിൽ ഐ.ബി. സതീഷ് എം.എൽ.എ നിര്‍വഹിച്ചു. പതിനേഴായിരത്തിലധികം മാസ്ക്കുകൾ മേഖലയിലെ എല്ലാ വീടുകളിലും എത്തിക്കുന്നതോടൊപ്പം മാസ്ക് ധരിക്കേണ്ട ആവശ്യകതയെക്കുറിച്ച് ബോധവത്കരണം നടത്തുകയും ചെയ്യും. മുപ്പതോളം വീട്ടമ്മമാർ ചേർന്നാണ് മാസ്ക്കുകൾ തുന്നുന്നത്. സി.പി.എം ഊരൂട്ടമ്പലം ലോക്കൽ കമ്മിറ്റി സെക്രട്ടറി പി.എസ്. പ്രഷീദ്, റ്റി . പ്രശാന്ത്, കെ.പി സജി, സുരേഷ് കുമാർ, ഷാജി എന്നിവർ നേതൃത്വം നൽകി