വീട്ടുജോലിക്കിടെ മോഷണം; യുവതിയും കാമുകനും അറസ്​റ്റിൽ

കഠിനംകുളം: വീട്ടുജോലിക്കിടയിൽ മോഷണം നടത്തിയ യുവതിയും കാമുകനും അറസ്റ്റിലായി. മേനംകുളം പുത്തൻതോപ്പ് കനാൽ പുറമ ്പോക്ക് വീട്ടിൽ സജീറ (32), കഠിനംകുളം പുതുക്കുറിച്ചി മുഹിയുദ്ദീൻ പള്ളിക്ക് പടിഞ്ഞാറ് തെരുവിൽ തൈവിളാകം വീട്ടിൽ അൽ അമീൻ (32) എന്നിവരെയാണ് കഠിനംകുളം പൊലീസ് അറസ്റ്റ് ചെയ്തത്. കഠിനംകുളം പുത്തൻതോപ്പ് സ്വദേശിയും റിട്ടയേർഡ് അധ്യാപികയുമായ മേനംകുളം പുത്തൻതോപ്പ് സീയോൺ വീട്ടിലാണ് മോഷണം നടന്നത്. ഒരുവർഷമായി സെലിൻ പെരേരയുടെ വീട്ടിൽ ജോലിക്കുനിന്ന സജീറ കഴിഞ്ഞ ആറുമാസമായി പല പ്രാവശ്യങ്ങളിലായി 15 പവനോളം സ്വർണാഭരണങ്ങളും വില കൂടിയ വാച്ചുകളുമാണ് മോഷ്ടിച്ചെടുത്തത്. മോഷണ മുതലുകൾ കൂട്ടുപ്രതിയും കാമുകനുമായ അൽ അമീൻെറ സഹായത്തോടെ വിവിധ ബാങ്കുകളിലും പണമിടപാട് സ്ഥാപനങ്ങളിലും പണയംവെക്കുകയും വിൽക്കുകയുമാണ് പതിവ്. അതിനുശേഷം ഇരുവരും കോവളം, പൂവാർ, വർക്കല എന്നീ സ്ഥലങ്ങളിൽ മുറിയെടുത്ത് ആർഭാട ജീവിതം നയിക്കുകയായിരുന്നു. കാമുകന് ചൂതുകളിക്കാനും മദ്യപാനത്തിനും വേണ്ടിയാണ് ഈ പണം വിനിയോഗിച്ചിരുന്നതെന്ന് പൊലീസ് പറഞ്ഞു. അൽ അമീൻ കഠിനംകുളം, ചിറയിൻകീഴ് സ്േറ്റഷനുകളിലെ നിരവധി മയക്കുമരുന്ന്, കൂലിത്തല്ല് കേസുകളിലെ പ്രതിയാണ്. ഭർത്താവിനെ ഒഴിവാക്കി കാമുകനോടൊപ്പം ബൈക്കിൽ നാടുവിടാൻ ഒരുങ്ങവെയാണ് കഠിനംകുളം പൊലീസ് പ്രതികളെ പിടികൂടിയത്. പ്രതികൾ പണയംവെച്ചതും വിറ്റതുമായ സ്വർണാഭരണങ്ങൾ കണ്ടെടുത്തു. photo: IMG-20200429-WA0034~2