സംസ്ഥാനപാതയിൽ പൊരുന്തമണിൽ വാഹനാപകടം: രണ്ട് യുവാക്കൾക്ക് പരിക്ക്

കിളിമാനൂർ: സംസ്ഥാനപാതയിൽ കിളിമാനൂർ പൊരുന്തമണിന് സമീപം സ്വകാര്യ സ്കൂളിന് സമീപം കാറും ബൈക്കും കൂട്ടിയിടിച്ച് ബൈക്ക് യാത്രികരായ രണ്ട് യുവാക്കൾക്ക് പരിക്ക്. ശനിയാഴ്ച രാവിലെ 6.30നാണ് അപകടം. ബൈക്ക് യാത്രികരായ കിളിമാനൂർ ആർ.ആർ.വി സ്കൂളിനടുത്ത് ദേവിശ്രീയിൽ ജിതിൻ (19), കിളിമാനൂർ പൊലീസ് സ്റ്റേഷനടുത്ത് ഊമൺപള്ളിക്കര രോഹിണിയിൽ മഹിദേവ് (19) എന്നിവർക്കാണ് പരിക്കേറ്റത്. സാരമായി പരിക്കേറ്റ ഇരുവരെയും വെഞ്ഞാറമൂട് ഗോകുലം മെഡിക്കൽ കോളജിൽ പ്രവേശിപ്പിച്ചു. വെഞ്ഞാറമൂട്ടിൽ പ്രവർത്തിക്കുന്ന മിലിട്ടറി ട്രെയിനിങ് സൻെററിൽ പരിശീലനത്തിന് കിളിമാനൂരിൽനിന്ന് ബൈക്കിൽ പോകുമ്പോഴാണ് അപകടം. അപകടത്തിൽപ്പെട്ട കാർ തിരുവനന്തപുരത്ത് നിന്നും പാലക്കാട്ടേക്ക് പോവുകയായിരുന്നു.