ടി.കെ.എം എൻജിനീയറിങ്​ കോളജില്‍ സെമിനാര്‍

കൊല്ലം: ടി.കെ.എം എൻജിനീയറിങ് കോളജിൻെറ വജ്രജൂബിലി ആഘോഷങ്ങളുടെ ഭാഗമായി ജനുവരി ഒന്നിന് സെമിനാര്‍ സംഘടിപ്പിക്കുമെന്ന് കോളജ് പ്രിന്‍സിപ്പൽ ഡോ. ടി.എ. ഷാഹുല്‍ ഹമീദ് വാർത്തസമ്മേളനത്തില്‍ അറിയിച്ചു. രാവിലെ 10ന് കോളജ് ഓഡിറ്റോറിയത്തില്‍ കാലാവസ്ഥ മാറ്റത്തിൻെറ ആഘാതം കേരളത്തില്‍ എന്ന വിഷയത്തില്‍ നടക്കുന്ന സെമിനാറിൽ പി.ടി. തോമസ് എം.എല്‍.എ, ഡോ. മുരളി തുമ്മാരക്കുടി, പത്മ മഹന്തിലത രാമന്‍ ജയ്‌ഗോപാല്‍ എന്നിവര്‍ പങ്കെടുക്കും. ഡോ. സിറാജുദ്ദീന്‍, ഡോ. ഉദയകുമാര്‍. ഡോ. ജയകൃഷ്ണന്‍ എന്നിവര്‍ വാർത്തസമ്മേളനത്തില്‍ പങ്കെടുത്തു. മത്സ്യത്തൊഴിലാളി ഫെഡറേഷന്‍ സംസ്ഥാന സമ്മേളനം കൊല്ലം: കേരള സംസ്ഥാന മത്സ്യത്തൊഴിലാളി ഫെഡറേഷന്‍ (എ.ഐ.ടി.യു.സി) സംസ്ഥാന സമ്മേളനം ജനുവരി മൂന്നുമുതല്‍ അഞ്ചുവരെ കരുനാഗപ്പള്ളിയില്‍ നടക്കുമെന്ന് സ്വാഗതസംഘം ചെയര്‍മാന്‍ ആര്‍. രാമചന്ദ്രന്‍ എം.എല്‍.എ വാർത്തസമ്മേളനത്തില്‍ അറിയിച്ചു. വെള്ളിയാഴ്ച വൈകീട്ട് നാലിന് പ്രകടനത്തിനുശേഷം കരുനാഗപ്പള്ളി ജങ്ഷനില്‍ നടക്കുന്ന പൊതുസമ്മേളനം സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ ഉദ്ഘാടനം ചെയ്യും. ശനിയാഴ്ച രാവിലെ 11ന് കരുനാഗപ്പള്ളി വന്ദന ഓഡിറ്റോറിയത്തില്‍ നടക്കുന്ന പ്രതിനിധി സമ്മേളനം എ.ഐ.ടി.യു.സി സംസ്ഥാന ജനറൽ സെക്രട്ടറി കെ.പി. രാജേന്ദ്രനും മൂന്നിന് നടക്കുന്ന സെമിനാര്‍ മന്ത്രി ജെ. മേഴ്‌സിക്കുട്ടിയമ്മയും ഉദ്ഘാടനം ചെയ്യും. സ്വാഗതസംഘം പ്രസിഡൻറ് ടി.ജെ. ആഞ്ചലോസ്, ജന.കണ്‍വീനര്‍ കെ. രാജീവന്‍ എന്നിവരും വാർത്തസമ്മേളനത്തിൽ പെങ്കടുത്തു.