സംഘ്​പരിവാര്‍ സ്വപ്നം കാണുന്ന ഇന്ത്യയല്ല നമുക്കാവശ്യം -ജോളി ചിറയത്ത്

കുളത്തൂപ്പുഴ: നാനാത്വത്തില്‍ ഏകത്വമെന്ന ആശയം തന്നെ തകര്‍ത്തെറിഞ്ഞ് വെറുപ്പി‍ൻെറ രാഷ്ട്രീയം മാത്രം പ്രചരിപ്പിക്കുന്ന സംഘ്പരിവാര്‍ സ്വപ്നം കാണുന്ന ഇന്ത്യയല്ല നമുക്കാവശ്യമെന്ന് സാമൂഹിക പ്രവർത്തക ജോളി ചിറയത്ത്. ജനകീയ കൂട്ടായ്മയുടെ നേതൃത്വത്തില്‍ ചോഴിയക്കോട്ട് സംഘടിപ്പിച്ച പൗരത്വ ഭേദഗതി നിയമത്തിനെതിരെയുള്ള പ്രതിഷേധ റാലിയുടെ സമാപന സമ്മേളനം ഉദ്ഘാടനം ചെയ്യുകയായിരുന്നു അവര്‍. ജനകീയ സമിതി ചെയര്‍മാന്‍ അബ്ദുല്‍ ഗഫൂര്‍ അധ്യക്ഷത വഹിച്ചു. ചോഴിയക്കോട് ഷഫീക്ക്, സജീദ് ഖാലിദ്, കെ.എം.വൈ.എഫ് സംസ്ഥാന ജനറല്‍ സെക്രട്ടറി കടയ്ക്കല്‍ ജുനൈദ്, പി.എസ്. സുപാല്‍, കശുവണ്ടി വികസന കോര്‍പറേഷന്‍ ചെയര്‍മാന്‍ എസ്. ജയമോഹന്‍, ഡല്‍ഹി സെന്‍ട്രല്‍ യൂനിവേഴ്സിറ്റി വിദ്യാര്‍ഥി റാനിയ സുലൈല, പഞ്ചായത്ത് പ്രസിഡൻറ് പി. ലൈലാ ബീവി, വൈസ് പ്രസിഡൻറ് സാബു ഏബ്രഹാം, കുളത്തൂപ്പുഴ അഷ്റഫ് മൗലവി, ഫാദര്‍ ജേക്കബ് കല്ലുവിള, കെ.ജെ. അലോഷ്യസ്, കുളത്തൂപ്പുഴ സലീം, ലാലി തോമസ്, അഡ്വ. എസ്.ഇ. സഞ്ജയ്ഖാന്‍, അസ്ലം കൊച്ചുകലിങ്ക്, സലീം മൗലവി, അശോകന്‍, സാബു മുഹമ്മദ്, സലീം മൂലയില്‍, രവീന്ദ്രന്‍ പിള്ള, പി. അനില്‍കുമാര്‍, ബോബന്‍ ജോര്‍ജ്, ബി. രാജീവ്, ഹലീല്‍, ഷെഫീക്ക് മന്നാനി, നാസിമുദ്ദീന്‍ മൗലവി എന്നിവര്‍ സംസാരിച്ചു.