ആര്യങ്കാവിൽ ട്രെയിൻ ഇടിച്ച്​ മ്ലാവ് ചത്തു

പുനലൂർ: കൊല്ലം- ചെങ്കോട്ട റെയിൽവേ ലൈനിൽ ട്രെയിൻ ഇടിച്ച് മ്ലാവ് ചത്തു. ആര്യങ്കാവ് ആർ.ടി.ഒ ചെക് പോസ്റ്റിന് സമീപം റെയിൽവേ പാളത്തിൽ ഞായറാഴ്ച രാവിലെയാണ് അഞ്ച് വയസ്സുള്ള പെൺമ്ലാവിനെ ട്രെയിൻ തട്ടി പരിക്കേറ്റനിലയിൽ കണ്ടെത്തിയത്. വനപാലകരെത്തി മ്ലാവിനെ അപകടസ്ഥലത്തുനിന്ന് മാറ്റി. മൃഗഡോക്ടറെ എത്തിച്ച് ചികിത്സ നൽകിയില്ലെങ്കിലും വൈകുന്നേരത്തോടെ ചത്തു. പോസ്റ്റ്മോർട്ടത്തിനുശേഷം സംസ്കരിച്ചു. നാല് ദിവസം മുമ്പ് ദേശീയപാതയിലും കെ.എസ്.ആർ.ടി.സി ബസ് ഇടിച്ച് മ്ലാവ് ചത്തിരുന്നു. കെ. കരുണാകരൻ അനുസ്മരണം കുളത്തൂപ്പുഴ: കോൺഗ്രസ് കുളത്തൂപ്പുഴ മണ്ഡലം കമ്മിറ്റി നടത്തിയ മുൻ മുഖ്യമന്ത്രി കെ കരുണാകരൻ അനുസ്മരണം ഐ.എൻ.ടി.യു.സി ജില്ല ജനറൽ സെക്രട്ടറി കുളത്തൂപ്പുഴ സലീം ഉദ്ഘാടനം ചെയ്തു. മണ്ഡലം പ്രസിഡൻറ് എ.എസ്. നിസാം അധ്യക്ഷതവഹിച്ചു. കെ.കെ. സാബു, പഞ്ചായത്തംഗങ്ങളായ സുനിൽകുമാർ , ശ്രീലത, മുൻ പഞ്ചായത്ത് അംഗം അനിൽകുമാർ, ബഷീർ റാവുത്തർ, ഷിജോ ജോയി ഏഴംകുളം, ജോസഫ്, റെജിൻ എന്നിവർ സംസാരിച്ചു.